Amvu Ndrizari
A’DIKO 2
Amvu Ndrizari
MI NE nga mini nyaku e’da ’di ma alea ’di ’i! Afa ’diyi dria onyiru tu! Mine nga ase, pati, mawua azini anyapa ndu ndu ’diyi. Mi eco ewa piki ne kami be afa ’diyi ma eselea ’dia ra ya?
Amvu ndriza ’di eca ndra ngoni ngoni ya? Le ama ma neki nga geri Munguni ndra nyaku ’di edezu amani gonde ri ’i.
Okorisi, Mungu fe ndra aseni zozu angu ma dri a’buzu. Azini ede ndra esele afa dria zopi zo werea ’diyini azini pati pie. Afa zoza ’diyi feki di nyakuni ovuzu onyiru tu. Te azi yini ngari aga lu anguni ndrizu ri ra. Esele eyini kakau ’diyi amani nyaka aluzaru ’diyi fe.
’Da ma vutia, Mungu ede di ndra e’bi yi ma alea azini aria ni ongazu oli ma alea. Ede ndra ocoo yi busua pie azini akanya pie; anyapa ambo ’diyi werea ’diyi pie. Anyapa ngo yi o’a emi aku ma ageyia ni ya? Ama ecoki ovu ayikosi Munguni afa ’diyi ob’azu dria amani risi ku ya?
Asizu, Mungu ede ndra esele nyakuni aluni onyiru aga azi ’diyi ra. Omve ndra angu ’di ma ru amvu Edeni ni. Eri ndra onyiru tu. Afa dria alenia ’diyi ndra ndrizaru tu. Azini Mungu le ndra nyaku dria ma eca ekile amvu onyiru tu erini ndra ede ’dile.
Te mi ne nga e’da amvu ’dini ri dika. Mi ni afa ndra Munguni ne nga ’dia yo ri ra ya? Ama ma neki nga.
