HETA leilung hi enteh! Thil tinreng an va mawi em! Hnim leh thing, pangpar leh ramsa zawng zawng hi en teh. Sai leh sakeibaknei i kawk thei em?

Engtin nge he huan mawi tak hi a lo awm? Aw le, Pathianin kan tana leilung a siam zawh dan i en ang u.

A hmasain ram khuh turin Pathianin hnim hring a siam a. Tin thlai te tak tete leh hnim bukte leh thing chite zawng zawng a siam a. Chung thilte thang lian chuan leilung hi a timawi a. Mahse chu aia tam chu an thawk a. An zinga tam takin chaw tui em em min neihtir a ni.

A hnuah Pathianin tuia hleuh tur sangha leh vana thlawk tur savate a siam leh a. Ramsa lian pui puite leh ramsa te tak tete; uite leh zawhtete leh sakawrte a siam a ni. I in kiangah eng rante nge awm? Pathianin chung zawng zawng min siam sak chu kan lawm dawn lawm ni?

A tawpah, leilunga hmun khat chu Pathianin a bikin a siam a. Chu hmun chu Eden Huan a vuah a. A ṭha famkim a. A chanchin tirreng a mawi a. Leilung pum pui hi Pathian siam, he huan mawi tak ang hi ni vek turin a duh a.

Mahse, he huan lem hi en teh. Pathianin enge kim lo a tih i hria em? I en ang u..