Se kualtsin xochitlalpan
Historia 2
Se kualtsin xochitlalpan
¡XKITA kenon onka tlaltikpaktli! ¡Nochi melak kualtsin! Xkita xiujtli, kojtin, xochimej niman yolkamej. ¿Tikita kanon nemi elefante niman leones?
¿Akinon okichijchiuj yejuin kualtsin xochitlalpan? Matikitakan kenon toTajtsin otexchijchiuili yejuin tlaltikpaktli.
Kachtopa, toTajtsin okitlali xiujtli, niman ijkon tlajli oxoxouiyak. Okinchijchiuj xochimej, xiujtin niman kojtin. Nochi yejuin noskaltiaj niman kikualtsintiliaj tlaltikpaktli. Niman xsan yejon, noijki miyekej kojtin techmakaj intlakilyo tlen melak uelik.
Sakin toTajtsin okinchijchiuj michimej makistinemikan ijtik atl niman totomej mapatlanikan tlakpak. Okinchijchiuj chichimej, mistomej niman caballos; yolkamej uejueyimej niman pitentsitsintin. ¿Nemij yolkatsitsintin kampa tichanti? ¡Melak otechtlasojtlak toTajtsin pampa nochi yejuin otexchijchiuili!
Ika otlamito okichijchiuj san xueyi itech tlaltikpaktli melak kualtsin. Okitokayoti xochitlalpan Edén. Nochi melak kualtsin katka niman xtlaj kipolouaya. ToTajtsin kinekiya ika, nochi tlaltikpaktli manochiua kentla yejuin kualtsin xochitlalpan tlen okichijchiuj.
Xkita oksejpa yejuin tlaixkopinajli. ¿Tikmatstika tlenon toTajtsin okitak poliuiya ipan yejuin xochitlalpan? Matikitakan.
