Ekitebyo 2

Omusiri Murungi Munonga

REEBA ensi hanu! Ebintu byona ka biboneire! Reeba obunyaatsi n’emiti, ebimuri hamwe n’enyamaishwa zoona. Noobaasa kutooranamu enjojo hamwe n’ebicuncu?

Ekibanja kirungi munonga nk’eki kikabaho kita? Ka twetegyereze oku Ruhanga yaatutebeekanisize ensi.

Eky’okubanza, Ruhanga akameza obunyaatsi okushweka ensi. Kandi yaahanga ebimera ebikye ebya buri muringo gwona n’ebishaka n’emiti. Ebimera ebi nibihwera omu kuboneza ensi. Kwonka kandi nibikora ekirikukira n’ahari ekyo. Bingi ahari byo nibituheereza eby’okurya ebinuzire munonga.

Bwanyima, Ruhanga akahanga eby’enyanja kwijura omu maizi n’enyonyi ezirikuguruka omu mwanya. Yaahanga embwa n’enjangu n’embaraasi; enyamaishwa empango n’enkye. Ni nyamaishwa ki ezirikutuura haihi n’eka yaanyu? Titushemereire kushemererwa okureeba ngu Ruhanga akahanga ebi byona ahabwaitu?

Eky’aha muheru, Ruhanga akakora ekicweka kimwe omu nsi kyaba eky’omutaano. Omwanya ogu akagweta omusiri gwa Edeni. Gukaba gushemeire. Buri kintu ekyabaire kirimu kikaba kiri kirungi munonga. Kandi Ruhanga akaba naayenda ngu ensi yoona ebe nk’ogu musiri omurungi munonga ogu yaabaire akozire.

Kwonka garuka oreebe aha kishushani ky’omusiri ogu. Noomanya eki Ruhanga yaareebire kirikuburaho? Ka tureebe.

Okutandika 1:11-25; 2:8, 9.