Juk kʼachitu huerta
2 yachachiy
Juk kʼachitu huerta
¡JALLPʼATA qhawariy! Manachu tukuy ima rikusqayki kʼachitu kachkan. Qhurata, sachʼasta, tʼikitasta, animalkunata ima, qhawariy. ¿Maypichus pili, chayri taruka, kasqanta rikunkichu?
¿Maymantá kay kʼachita huerta rikhurin? Imaynatachus Diosninchik tukuy kaykunata ruwasqanta qhawarina.
Qallarinapaqqa, Diosninchik tukuy laya qhurata jallpʼata qhataykunanpaq ruwarqa. Chaymanta sachʼasta, imaymana qʼumirkunata ima, ruwallarqataq. Tukuy kaykunaqa Jallpʼata kʼachachan, mana chayllachu, wakinkunaqa mikhunatapis quwanchik.
Chaymanta Diosninchik yakupi kawsanankupaq challwakunata ruwarqa, cielopi phawarinankupaqtaq pʼisqitusta. Chantapis allqusta, misista, wakasta, jatuchaq animalkunata, juchʼuysitustapis, ruwallarqataq. ¿Wasiyki chayniqpi animalkuna kanchu? Diospa ruwasqanta rikuspa, ¿manachu pay may kʼacha kasqanta nisunman?
Chaymantataq Diosninchik Jallpʼamanta juk kʼuchituta may kʼachituman tukuchirqa. Chaytataq Edén nispa suticharqa. Tukuy ima sumaq karqa. Tukuy ima kʼachitu karqa. Diosninchikqa runa tukuy Jallpʼata paraisoman tukuchinanta munarqa.
Juktawan dibujituta qhawariy, ¿imatataq Diosninchik mana kasqanta kay huertapi rikunman karqa? Qhawarina.
