¡EXE ini Echerini! ¡Na enga ixú xáni sési jándeka! Exe uitsakuani ka anhatapuechani, tsïtsïkichani ka iámindu animalichani. ¿Exexakiri nani jarhaski elefanti ka leonicha?

¿Peru néna niáraski jarhani ari sési jándekua? Ju je exeni ambe úspi Tata Diosï Echerini jingoni parakachi úpiringa irekani.

Uénani jámani, Tata Diosï úspti uitsakuani para ójchakurani echerini. Úspti mámaru jásï uitsakuani, ka tsïtsïkichani ka anhatapuechani. Iámindu i ambe úsïndi eska i Echeri sánderu sési xarharaka, ka márujtsïni íntskusïndi tʼirekua ka áspiti frutechani.

Tátsekua Tata Diosï kuruchechani kuerauasti parakaksï jámapiringa itsïrhu ka pájaruechani parakaksï kárapiringa. Tata Diosï kuerauasti kabaiuechani, uíchuechani ka mistuechani, animali kʼératichani ka sapiratichani. ¿Kánhasïni animalicha jimesï engari irekaka? ¡Kánikuesti Tata Diosïri uékperakua, enga kueraka iámindu ini ambe para jucha!

Enga Tata Diosï kʼamakuni jámaengia kueraani iámindu máteru ambe, erakuspti sánititu Echeri ka arhiraspti Edeni, ka úspti eska jima sánderu sési jándepiringa. Jima iámindu ambe sési úkata jarhaspti. Ka Tata Diosï uékasïrendi eska iámu Parhakpini májkueni jándepiringa eska Edeni.

Joperu exe ménderu ini dibujuni. ¿Mítiskiri ambe exespi Tata Diosï eska kueratasïrenga? Ju exeni ambespi.