Zaridain̈y Tsara Be Zay
Tantara 2
Zaridain̈y Tsara Be Zay
ZAHAVA hely baka tany eto! Raha jiaby tsara, tsy zen̈y? Zahava bozaka ndreky vodin-draha, folera ndreky biby jiaby. Mba hainao man̈avaka elefan ndraiky lion iô?
Karakôry ma nampanisy zaridain̈y tsara be io? Alô Zahavatsika raha nataon’ny Zan̈ahary, beky tany mety hipitrahan̈a.
Voanalohany, Zan̈ahary nan̈ano bozaka. Nataony amy zay karazan̈a folera ndreky kakazo maventy jiaby. Irô jiaby amy zay niaraka naniry, ke tany nanjary tsara zahan̈a. Tsy zen̈y fo. Maro amin-drô io koa mety ahanin̈y.
Baka iô, Zan̈ahary nan̈ano laoko milomaon̈o an̈aty rano, ndreky vôron̈o mitilin̈y. Izy niasa amboa, ndreky rabosy ndreky sevaly; biby maro maventy ndreky madiniky. Ino biby tariminarô? Raha jiaby namian’ny Zan̈ahary atsika io mamparavoravo atsika, tsy zen̈y?
Farany, Zan̈ahary nifidy tapany hely tamy tany, nataony tsara be. Zaridain̈’Edena an̈aran’izio. Tsara raha jiaby tao. Tian’ny Zan̈ahary tany jiaby hanjary tsara, karaha zaridain̈’Edena io.
Zahava baka sary io. Hainao ino raha hitan’ny Zan̈ahary manky ao? Atsika iziô hizaha zen̈y.
Genesisy 1:11-25; 2:8, 9.