5-нҗи хекая

Агыр дурмуш башланяр

АДАМ ата билен Хов энә Эрем багының дашында яшамак өрән агырды. Олар ийҗек чөрегини газанмак үчин көп ишлемелиди. Ир-иймишли овадан агачларың дерегине, оларың даш-төверегинде тикен билен ябаны отлар өсйәрди. Бу затлар Адам ата билен Хов эне Худая гулак асман, достлугыны йитирени үчин болды.

Йөне иң эрбедем Адам ата билен Хов эне өлмели болды. Ядыңда болса, Худай олара бир агаҗың мивесинден ийсеңиз, өлерсиңиз дийипди. Онуң айдышы ялы-да болды. Олар шол миведен иен гүни кем-кемден гаррап, өлмели болдулар. Адам ата билен Хов эне Худая гулак асман, нәхили акылсызлык этдилер!

Адам ата билен Хов энәниң чагалары Эрем багындан ковландан соң догулды. Шонуң үчин оларың чагалары-да гаррап өлмели болды.

Адам ата билен Хов эне Ехова гулак асан болсадылар, онда оларың хем-де чагаларының дурмушы багтлы боларды. Оларың әхлиси ер йүзүнде эбеди хем багтлы яшардылар. Хич ким гаррамалы, кеселлемели ве өлмели болмазды.

Худай адамларың эбеди хем багтлы яшамагыны ислейәр. Бир вагт оларың эбеди яшаҗакдыгыны вада берйәр. Шонда диңе бир ер йүзи гөзеллиге өврүлмән, эйсем, адамларың өзлери-де сагдын болар. Ер йүзүндәки адамларың әхлиси бири-бирлери билен хем-де Худай билен дост болар.

Хов эне болса инди Худайың досты дәлди. Шонуң үчинем чага догурмак оңа еңил дүшмеди. Гөрйәңми, Хов эне Ехова гулак асманы үчин гөрги барыны гөрди?

Адам ата билен Хов энәниң огул-гызлары көпди. Илкинҗи оглы догланда Кабыл диен ат дакдылар. Икинҗи оглуна болса, Хабыл диен ат дакдылар. Олара нәме боланыны билйәңми?

Барлык 3:16—23; 4:1, 2; Ылхам 21:3, 4.