DEEL 2
Van die Vloed tot die verlossing uit Egipte
Net agt mense het die Vloed oorleef, maar later het hulle tot derduisende toegeneem. Toe, 352 jaar ná die Vloed, is Abraham gebore. Ons leer hoe God sy belofte gehou het deur vir Abraham ’n seun met die naam Isak te gee. Van Isak se twee seuns is Jakob deur God gekies.
Jakob het ’n groot gesin van 12 seuns en ’n paar dogters gehad. Jakob se 10 seuns het hulle jonger broer Josef gehaat en hom verkoop om ’n slaaf in Egipte te word. Later het Josef ’n belangrike heerser in Egipte geword. Toe daar ’n groot hongersnood kom, het Josef sy broers getoets om te sien of hulle verander het. Uiteindelik het Jakob se hele gesin, die Israeliete, na Egipte toe getrek. Dit was 290 jaar nadat Abraham gebore is.
Gedurende die volgende 215 jaar het die Israeliete in Egipte gewoon. Ná Josef se dood het hulle daar slawe geword. Later is Moses gebore, en God het hom gebruik om die Israeliete uit Egipte te verlos. DEEL 2 dek altesaam 857 jaar van die geskiedenis.
IN HIERDIE GEDEELTE
VERHAAL 12
Mense bou ’n groot toring
Omdat God nie daarvan gehou het nie, het hy hulle gestraf, en hierdie straf raak ons tot vandag toe.
VERHAAL 13
Abraham
Waarom het Abraham sy gerieflike huis verlaat om die res van sy lewe in tente te woon?
VERHAAL 16
Isak kry ’n goeie vrou
Waarom was Rebekka so ’n goeie vrou? Was dit omdat sy mooi was, of was dit iets anders?
VERHAAL 17
’n Tweeling wat verskil het
Isak, hulle vader, het meer van Esau gehou, maar Rebekka, hulle moeder, was die liefste vir Jakob.
VERHAAL 22
Josef in die tronk
Hy is soontoe gestuur omdat hy gedoen het wat reg is, nie omdat hy die wet oortree het nie.
VERHAAL 24
Josef toets sy broers
Josef se broers het hom as ’n slaaf verkoop. Hoe kan hy weet of hulle werklik verander het?
VERHAAL 25
Die gesin trek na Egipte
Waarom word Jakob se familielede Israeliete genoem en nie Jakobiete nie?
VERHAAL 26
Job is getrou aan God
Job het sy rykdom, sy gesondheid en al sy kinders verloor. Was God besig om hom te straf?
VERHAAL 27
’n Slegte koning in Egipte
Hoekom het hy beveel dat al die Israelitiese babaseuntjies doodgemaak moet word?
VERHAAL 28
Hoe baba Moses gered is
Sy ma vind ’n manier om hom te red toe daar beveel is dat al die Israelitiese babaseuntjies doodgemaak moet word.
VERHAAL 29
Hoekom Moses gevlug het
Toe Moses 40 jaar oud was, het hy gedink dat hy reg was om die Israeliete te red, maar hy was nie.
VERHAAL 30
’n Bos wat brand
God doen wonderwerke en sê vir Moses dat die tyd aangebreek het om die Israeliete uit Egipte te bevry.
VERHAAL 31
Moses en Aäron by Farao
Waarom luister Farao nie na Moses en laat hy die Israeliete nie gaan nie?
VERHAAL 32
Die 10 plae
God het 10 plae oor Egipte gebring omdat die Egiptiese heerser Farao hardkoppig geweier het om die Israeliete te laat gaan.
VERHAAL 33
Deur die Rooi See
Moses verdeel die Rooi See met behulp van God se krag en die Israeliete loop op droë grond deur.
