K’a ta sanjiba la ka na se u bɔli ma Misira
YƆRƆ 2NAN
K’a ta sanjiba la ka na se u bɔli ma Misira
Sanjiba nalen, mɔgɔ segin dɔrɔn de kisira. Nka, waati tɛmɛnen kɔ, u cayara ka kɛ mɔgɔ ba caman ye. Ibrahima wolola san 352 Sanjiba nalen kɔfɛ. An bɛna a ye Ala ye a ka layidu dafa cogo min na, ka denkɛ di Ibrahima ma min tɔgɔ tun ye ko Isaka. O kɔ, Isaka ye denkɛ fila sɔrɔ. Nka u fila la, Ala ye Yakuba de sugandi.
Yakuba ye den caman sɔrɔ: Denkɛ 12 ani denmusow. Yakuba denkɛ 10 ye u dɔgɔkɛ Yusufu koniya. U y’a feere jagokɛlaw ma minnu taara ni a ye Misira, k’a feere i ko jɔn. Nka, kɔfɛ, Yusufu kɛra mɔgɔba ye Misira jamana na. Kɔngɔba dɔ kɛra tuma min na, Yusufu y’a kɔrɔkɛw kɔrɔbɔ, walisa k’a lajɛ ni a koniya tun bɛ u la halisa. A laban na, Yakuba ka denbaya kuuru bɛɛ, n’o ye Israɛlkaw ye, u nana sigi Misira. O ko kɛra san 290 Ibrahima wololen kɔfɛ.
Israɛlkaw ye san 215 kɛ Misira. Yusufu salen kɔfɛ, u kɛra jɔnw ye Misira. Musa wolola o waati kɔnɔna na. Ala ye ale de ta walisa ka Israɛlkaw labɔ Misira jamana na. Maana minnu ɲɛfɔlen bɛ gafe Yɔrɔ FILANAN NA, olu kɛra san 857 kɔnɔna na.
