Fánreinti 2

Gunran darí esefuruni Ehiptugiñe

Wídürügüñanu gürigia erederutiña wínwanñu lárigiñe Gunran, ani lau lásügürün dan aba hagibedagun darí lun saragu haña lan milu. Ani 352 irumu lárigiñe Gunran, aba nasirua lan Abüraámü. Furendeitiwa ida liña lan lagunfuliruni Bungiu lani füramasei dan le líchugun aban isaani lun Abüraámü, Isaakü líribei. Ani hádangiñe bián lirahüñü Isaakü, Hakobu lanúadirubei Bungiu.

Wéiriti meha lufamilia Hakobu, duusuñanu lirahüñü wügüriña hama fiú würiña. Aba leyereegudun hamulen, le gíribei Hosé, houn diisi lirahüñü Hakobu. Alugura hamuti idamunime Ehiptu. Lárigiñe, aba líchugunua Hosé kei gumadimati wéiriguti Ehiptu. Dan le liabin aban ümi, aba lóuchaguniñu Hosé líbugañanu lun larihini anhein sansi haña lubéi. Aba háguyun sun lufamilia Hakobu, ha ísüraelina, Ehiptun. Susereti katei le 290 irumu lárigiñe lágurahoun Abüraámü.

Wínwantiñu ísüraelina 215 irumu Ehiptu. Lárigiñe lounwen Hosé, aba idamuni hamá ñein. Lau lásügürün dan nasiruati Moisesi, yusu lumuti Bungiu lun lalíbüreruniñu ísüraelina Ehiptugiñe. Lidan Fánreinti BIAMA, anihein 857 irumu abahüdaguni.