PARTI 2
Deliz ziska delivrans an Lezip
Ti annan selman wit dimoun ki ti sirviv Deliz, me avek letan zot ti ogmante pour vin en kantite. Abraam ti ne 352 an apre Deliz. Nou pou aprann konman ki Bondye ti gard son promes par donn Abraam en garson ki ti apel Izaak. Apre, se Zakob enn ant sa de garson Izaak ki ti ganny swazir par Bondye.
Zakob ti annan 12 garson ek detrwa fiy. Dis son bann garson pa ti kontan zot pti frer Zozef. Zot ti vann li konman en lesklav an Lezip. Plitar, Zozef ti vin en sef tre enportan Lezip. Kan en lafamin tre dir ti arive, Zozef ti teste son bann frer pour vwar si zot leker ti’n sanze. Finalman, fanmiy antye Zakob ki ti bann Izraelit, ti vin reste Lezip. Sa ti arive 290 an apre ki Abraam ti ne.
Pour sa prosen 215 lannen bann Izraelit ti viv Lezip. Apre ki Zozef ti mor zot ti vin lesklav laba. Apre, Moiz ti ne e Bondye ti servi li pour sov bann Izraelit an Lezip. Dan sa dezyenm parti nou pou vwar listwar pour 857 lannen.
DAN SA SEKSYON
ZISTWAR 12
Bann zonm ti fer en latour
Bondye pa ti kontan e sa pinisyon i ankor annan en lefe dan nou lepok ozordi.
ZISTWAR 16
Izaak ti ganny en madanm
Kwa ki ti fer Rebeka en bon madanm? Son labote oubyen en lot keksoz?
ZISTWAR 17
De zimo byen diferan
Zot papa Izaak ti pli kontan Ezai, me zot manman Rebeka ti pli kontan Zakob.
ZISTWAR 22
Zozef ti ganny mete dan prizon
I ganny mete dan prizon, pa akoz i’n kas lalwa me akoz i’n fer sa ki byen.
ZISTWAR 24
Zozef ti teste son bann frer
Ki mannyer Zozef i kapab konnen si son bann frer in vreman sanze?
ZISTWAR 26
Zob ti fidel avek Bondye
Zob ti perdi son larises, son lasante ek tou son zanfan. Eski Bondye ti pe pini li?
ZISTWAR 27
En move lerwa ti pe domin Lezip
Akoz lerwa ti donn lord pour touy tou bann pti baba garson?
ZISTWAR 28
Konman ki Moiz ti ganny sove
Manman Moiz i trouv en fason pour ki son garson pa ganny touye parey lalwa i demande.
ZISTWAR 29
Akoz Moiz ti pe taye
Moiz ti krwar i ti pare pour sov bann Izraelit ler i ti 40 an, me i pa ti leka.
ZISTWAR 30
Brousay ti pe brile
Bondye i servi bann mirak pour montre Moiz ki letan in vini pour li delivre bann Izraelit.
ZISTWAR 32
Sa dis fleo
Bondye i anmenn 10 maler lo Lezip, akoz zot lerwa i refize les bann Izraelit ale.
ZISTWAR 33
Travers Lanmer Rouz
Moiz i separ Lanmer Rouz gras a pwisans Bondye e bann Izraelit i travers lo sek.
