SHIʼIPA 2
Juya miyoʼushaata otta ajütünüshii na israeliitakana
Katüsü soʼu 8 wayuu süchikijee tü juya miyoʼushaatakat. Mapa wainmashii naya. 352 juya süchikijee tia jemeishi Abraham. Wekirajaajeerü anain nikeraajirüin nünüiki Maleiwa nümüin Abraham, eeinjachin wanee nüchon kanüliashi Isaac. Nanainjee nüchonnii Isaac nüneeküin Maleiwa Jacob.
12 nüchonnii Jacob otta eesü jieyuu. Aʼürülaanüshi José natuma na nuwalayuukana. Noikkaka nia süpüla achepchieein nia Egipto, kojutuka maʼin nia sutuma wayuu chaaʼaya. Soʼu tü juya palitchonjeetkat oʼu eküülü nuuʼulaküin naaʼin na nuwalayuukana, nütüjawee aaʼu José ayatüle mojulaain naya. Mapa akolojoosü nüpüshi Jacob Egiptomüin, alatüsü tia 290 juya süchikijee jemein Abraham.
Kepiashii na israeliitakana 215 juya Egipto. Ouktapa José achepchieeshii naya chaaʼaya. Mapa jemeika Moisés, nuluwataaka nia Maleiwa süpüla niyuʼluin naya chejee. Alatüsü 857 juya sünain tü PIAMAKAT Shiʼipa.
SÜNAIN SHI'IPAKAT TÜÜ
AKÜJALAA 12
Wanee piichi miyoʼushaata
Nnojoishi talatüin Maleiwa sümaa tia, jee weʼrüin maaʼulu yaa tü alatakat sünainjee.
AKÜJALAA 13
Chi naʼaleewainkai Maleiwa
¿Jamüshi nuʼunaka Abraham nuumainpaʼajee eere anain nia paala süpüla kepiayaainjachin nia loona?
AKÜJALAA 14
Anoujushi maʼin Abraham
¿Jamüshi nuluwataanaka Abraham nutuma Maleiwa sünain oʼutaa naaʼin Isaac chi nüchonkai?
AKÜJALAA 15
Ichiijaasü nuʼwayuuse Lot
Eesü tü kasa shikirajakalü anain waya tü alatakat sümüin nuʼwayuuse Lot.
AKÜJALAA 16
Nuʼwayuuse Isaac
¿Jamüsü wayuuka anasü Rebeca süpüla nuʼwayuusein Isaac? ¿Shiache sutuma anasüchoin, shiataapa sutuma wanee kasa naata?
AKÜJALAA 17
Naatajai Esaú nuulia Jacob
Talatüshi maʼin Isaac nümaa Esaú, niaka alin süpüla Rebeca Jacob.
AKÜJALAA 18
Jacob otta Raquel
Shia neʼe aapünaka Lea nümüin Jacob eerejeʼe shiain keeʼireein naaʼin Raquel.
AKÜJALAA 19
Nüpüshi Jacob
¿Shiache sünülia tü poloosükat piamamüin neʼiruku na israeliitakana nanülia na polooshiikana piamamüin nüchonnii Jacob?
AKÜJALAA 20
Mojusü sukuwaʼipa Dina
Mojusü sukuwaʼipa sutuma aleewain shia namaa na wayuu nnojoliikana oonooin sümaa nünüiki Maleiwa.
AKÜJALAA 22
Püreesashi José
Püreesashi saaʼu naaʼinrüin tü anasükat, nnojotsü sünainjeejatüin naaʼinrüin wanee kasa mojusü.
AKÜJALAA 23
Nüʼlapüin Faraón
Eesü tü wanaawakalü aluʼu tü akaratshisükat paaʼa sümaa tü akaratshisükat trigo nüʼlapüjaaka Faraón.
AKÜJALAA 24
Nuwalayuu José
¿Jamüsü süpüla nütüjaain aaʼu José neeʼiratüle nakuwaʼipa na nuwalayuukana?
AKÜJALAA 25
Akolojoosü nüpüshi José
¿Jamushii israeliita namunaka na nuʼuliwoʼukana Jacob, nnojoliikaʼa jacobitayuu namünüin?
AKÜJALAA 26
Oonooshi waneepia Job
Ajaʼttüsü nuwashirüin Job, ayuuishi nia jee outushii napüshuaʼa na nüchonniikana. ¿Niache kasitka Maleiwa tü alatakat nümüin Job?
AKÜJALAA 27
Wanee Faraón mojulaashi
¿Jamüshi nuluwataaka Faraón na egipciokana sünain oʼutaa naaʼin na joʼuuyuu eekai tooloin süchonnii tü jieyuu israeliitakalüirua?
AKÜJALAA 28
Katüsü noʼu Moisés
Süchajaain sukuwaʼipa tü niikat Moisés süpüla nnojoluinjachin nuʼutunüin aaʼin chi süchonkai maʼaka nuluwataain shia Faraón.
AKÜJALAA 29
Eipinnüshi Moisés
Kettaayaashi Moisés naaʼinruʼu süpüla nükaalinjain na israeliitakana wanaa sümaa 40 nuuyase, nnojoipejeʼe kettaain nia.
AKÜJALAA 30
Wunuʼu chuwatüshi
Süchikijee naaʼinrüin Maleiwa kojuyasü kasa pülasü, nuluwataain Moisés sünain ayuʼlaa na israeliitakana chaa Egiptojee suulia achepchiaa.
AKÜJALAA 31
Moisés nipialuʼu Faraón
¿Jamüshi niʼrüika wayumüin Faraón nümüin Moisés suluʼu nnojoluin nüjüteein na israeliitakana?
AKÜJALAA 32
10 Kasa mojusü
Müliashii na egipciokana nutuma Maleiwa sükajee 10 kasa mojusü sutuma nnojoluin nüjüteein Faraón na israeliitakana.
AKÜJALAA 33
Nalatüin tü palaakat
Nujutalüin Moisés tü palaa ishosükat sükajee nüpülain Maleiwa jee alatüshii na israeliitakana pasanainpünaa sünain tü palaakat sümaa josoin wopü napüleerua.
