BAHIN 2
Ang Anaw Tubtob sa Kaluasan Gikan sa Egipto
Walo ka tao lamang ang naluas sa Anaw, apang sang ulihi nagdamu sila sa madamung linibo. Nian, 352 ka tuig sa tapos sang Anaw, natao si Abraham. Ginhatagan sang Dios si Abraham sing anak nga lalaki nga nagahingalan kay Isaac. Nian, sa duha ka anak nga lalaki ni Isaac, ginpili sang Dios si Jacob.
Ang 10 ka anak nga lalaki ni Jacob nagdumot sa ila manghod nga si Jose kag ginbaligya subong ulipon sa Egipto. Sang ulihi, si Jose nangin importante nga manuggahom sa Egipto. Sang magtiggulotom, ang bug-os nga pamilya ni Jacob, nga mga Israelinhon, nagsaylo sa Egipto. 290 ka tuig ini sa tapos matao si Abraham.
Sang mapatay si Jose, ang mga Israelinhon nangin nga ulipon sa Egipto. Sang ulihi, natao si Moises, kag gingamit sia sang Dios sa pagluas sa mga Israelinhon gikan sa Egipto. Ang mga Israelinhon 215 ka tuig sa Egipto. 857 ka tuig sang maragtas ang natuptopan sa Bahin DOS.
SA SINI NGA SEKSION
SUGILANON 12
Ang mga Tao Nagpatindog sing Daku nga Torre
Wala nalipay ang Dios, kag ang iya pagsilot may epekto pa sa mga tawo subong.
SUGILANON 13
Abraham—Abyan Sang Dios
Ngaa ginbiyaan ni Abraham ang iya komportable nga balay para mag-istar na lang sa mga tolda asta napatay sia?
SUGILANON 14
Gintilawan sang Dios ang Pagtuo ni Abraham
Ngaa ginsugo sang Dios si Abraham nga ihalad ang iya anak nga si Isaac?
SUGILANON 15
Nagbalikid ang Asawa ni Lot
Ang ginhimo niya makatudlo sa aton sang importante nga leksion.
SUGILANON 16
Si Isaac Nakakuha sing Maayong Asawa
Ngaa nangin maayo nga asawa si Rebeca? Bangod bala sang iya katahom, ukon may iban pa nga rason?
SUGILANON 17
Ang Kapid nga Magkatuhay
Labi nga palangga sang ila amay nga si Isaac si Esau, pero mas palangga sang ila iloy nga si Rebeca si Jacob.
SUGILANON 18
Nagpa-Haran si Jacob
Nauna nga ginpangasawa ni Jacob si Lea bisan pa ang ginahigugma niya amo si Raquel.
SUGILANON 19
Daku ang Pamilya ni Jacob
Ginsunod bala sa ngalan sang 12 ka anak ni Jacob ang ngalan sang 12 ka tribo sang Israel?
SUGILANON 21
Ang mga Utod ni Jose Nagdumot sa Iya
Ngaa ang iban sa ila gusto nga patyon ang ila utod?
SUGILANON 22
Ginbilanggu si Jose
Ginbilanggu sia, indi bangod ginlapas niya ang kasuguan, kundi bangod ginhimo niya kon ano ang husto.
SUGILANON 24
Gintilawan ni Jose ang iya mga Utod
Paano niya mahibaluan kon bala nagbag-o na sila halin sang ginbaligya nila sia bilang ulipon?
SUGILANON 25
Nagpa-Egipto ang Pamilya
Ngaa ang mga miembro sang pamilya ni Jacob gintawag nga Israelinhon imbes nga Jacobnon?
SUGILANON 26
Si Job Matutom sa Dios
Nadula ang manggad ni Job, nagmasakit sia, kag napatay ang tanan niya nga kabataan. Ginasilutan bala sia sang Dios?
SUGILANON 27
Malain nga Hari sang Egipto
Ngaa ginsugo niya ang iya katawhan nga pamatyon ang tanan nga Israelinhon nga bata nga lalaki?
SUGILANON 28
Kon Paano Naluas ang Bata nga si Moises
Napangitaan sing paagi sang iya iloy nga maluwas sia bisan pa may kasuguan nga patyon ang tanan nga Israelinhon nga bata nga lalaki.
SUGILANON 29
Kon Ngaa Nalagyo si Moises
Sang 40 años na si Moises, abi niya handa na sia nga hilwayon ang mga Israelinhon, pero indi pa gali.
SUGILANON 30
Nagadabdab nga Sapinit
Naghimo ang Dios sing mga milagro, para silingan si Moises nga panahon na nga pangunahan niya ang mga Esraelinhon sa paggua sa Egipto.
SUGILANON 31
Si Moises kag si Aaron Nagkadto kay Paraon
Ngaa wala nagpamati kay Moises ang Paraon nga buy-an ang mga Israelinhon?
SUGILANON 32
Ang 10 ka Kalalat-an
Nagpadala ang Dios sang 10 ka kalalat-an sa Egipto bangod ang Paraon, ang manuggahom sang Egipto, nagpangindi gid nga palakton ang mga Israelinhon.
SUGILANON 33
Pagtabok sa Dagat nga Pula
Ginpahawa ni Moises ang Dagat nga Pula paagi sa gahom sang Dios kag nagtabok ang mga Israelinhon sa mamala nga duta.