ORUPA 2

Okuza koMupupo nga konguturiro okuza mu Engipte

Ovandu hambondatu porwe omba hupa moMupupo, nungwari oruveze tjaa ru kaenda owo varira ovengi nga komayovi omengi. Ozombura 352 kombunda yoMupupo, Abraham otja kwatwa. Eṱe matu rihongo kutja Mukuru wa yenenisa vi omakwizikiro we mokuyandja omuzandu wena Isak ku Abraham. Okuzambo, movazandu vevari vaIsak, Jakob ongwa toororwa i Mukuru.

Jakob wa ri neṱunḓu enene rovazandu 12 novakazona tjiva wina. Ovazandu vaJakob 10 va tondere omuangu wawo Josef nave mu randisa moukarere koEngipte. Kombunda, Josef wa rira omunane omunanḓengu moEngipte. Indu ondjara onene tji ye ya, Josef wa rora omarumbi we okutara kutja omitima vyawo vya runduruka poo indee. Korusenina eṱunḓu raJakob arihe, okutja Ovaisrael, va tjindira koEngipte. Ihi tja tjitwa ozombura 290 kombunda yongwatero yaAbraham.

Ozombura 215 nḓa kongorera ko, Ovaisrael va kara moEngipte. Kombunda yonḓiro yaJosef owo va rira ovakarere. Momakawondjero woruveze, Moses wa kwatwa, nu Mukuru we mu ungurisa okukutura Ovaisrael koEngipte. Orupa ORUTJAVARI aruhe kumwe rwa kamburire mo ozombura 857 zomakuruhungi.