PASET 2
Ti Layus Inggana iti Pannakaisalakan Manipud Egipto
Walo laeng a katao ti nakalasat iti Layus, ngem idi agangay immaduda manen iti rinibo. Sa, 352 a tawen kalpasan ti Layus, naiyanak ni Abraham. Ti Dios inikkanna ni Abraham ti anak a lalaki nga agnagan Isaac. Sa, kadagiti dua nga annak ni Isaac, ni Jacob ti pinili ti Dios.
Ti 10 nga annak a lallaki ni Jacob ginurada ti ub-ubing a kabsatda a ni Jose ket inlakoda iti pannakaadipen idiay Egipto. Iti kamaudiananna, nagbalin ni Jose a nangato nga agturay idiay Egipto. Idi immay ti bisin, ti intero a pamilia ni Jacob, dagiti Israelitas, ti immakarda idiay Egipto. Napasamak daytoy 290 a tawen kalpasan ti pannakaiyanak ni Abraham.
Kalpasan ipapatay ni Jose, naadipen dagiti Israelitas idiay Egipto. Idi agangay, naiyanak ni Moises, ket isut’ inusar ti Dios a mangisalakan kadagiti Israelitas manipud Egipto. Nagian dagiti Israelitas idiay Egipto iti 215 a tawtawen. 857 a tawen ti historia ti saklawen ti Paset DOS.
ITI DAYTOY A SEKSION
ESTORIA 12
Nagaramid Dagiti Tattao ti Dakkel a Torre
Saan a naragsakan ti Dios, ket agingga ita mariknatay pay laeng ti epekto ti dusa nga intedna idi kadagiti tattao.
ESTORIA 13
Abraham—Gayyem ti Dios
Apay a pinili ni Abraham a panawan ti nanam-ay a balayna ket nagyan kadagiti tolda?
ESTORIA 14
Sinuot ti Dios ni Abraham
Apay a binilin ti Dios ni Abraham nga idatonna ti anakna a ni Isaac?
ESTORIA 16
Ni Isaac Nangala ti Nasayaat nga Asawa
Apay a makuna a nasayaat nga agbalin nga asawa ni Rebecca? Gapu kadi iti pintasna, wenno adda pay sabali?
ESTORIA 17
Singin a Nagduma
Ni Esau ti mas ay-ayaten ni tatangda a ni Isaac, ngem ni Jacob met ti mas ay-ayaten ni nanangda a ni Rebecca.
ESTORIA 18
Ni Jacob Napan Haran
Ni Lea ti nagbalin nga umuna nga asawa ni Jacob uray no ni Raquel ti ay-ayatenna.
ESTORIA 19
Ni Jacob Dakkel Pamiliana
Naala kadi ti nagan ti 12 a tribu ti Israel kadagiti 12 nga annak a lallaki ni Jacob?
ESTORIA 21
Ni Jose Ginura ti Kakabsatna
Ania ti mabalin a rason a maitured dagiti agkakabsat a papatayen ti mismo nga adingda?
ESTORIA 22
Ni Jose Naibalud
Naibalud isuna, saan a gapu ta saanna a sinurot ti linteg, no di ket gapu ta inaramidna no ania ti husto.
ESTORIA 24
Sinuot ni Jose ti Kakabsatna
Kasanotayo nga ammo a nagbalbaliwdan sipud idi inlakoda ni Jose nga agbalin a tagabo?
ESTORIA 25
Ti Pamilia Napan Egipto
Apay a naawagan dagiti miembro ti pamilia ni Jacob kas Israelita imbes a Jacobita?
ESTORIA 26
Matalek ni Job iti Dios
Napukaw ti kinabaknang ni Job, natay ti amin nga annakna, ken nagsakit. Dusdusaen kadi ti Dios isuna?
ESTORIA 27
Ti Dakes nga Ari Nagturay iti Egipto
Apay nga impapatayna amin a kayyanak a lalaki nga Israelita?
ESTORIA 28
Naispal ti Ubing a Moises
Nakapanunot ti nanangna iti pamay-an tapno malisianna ti linteg a masapul a mapapatay ti amin a kayyanak nga Israelita a lallaki.
ESTORIA 29
No Apay Nagtalaw ni Moises
Panagkuna ni Moses no nakasaganan a mangisalakan kadagiti Israelita idi agtawen iti 40, ngem saan pay gayam.
ESTORIA 30
Ti Dumardarang a Kayo
Babaen ti agsasaruno a milagro, impakita ti Dios ken Moises a tiempon tapno iruarna dagiti Israelita iti Egipto.
ESTORIA 31
Ni Moises ken Aaron Nagparangda ken Paraon
Apay a saan a dimngeg ni Paraon ken ni Moises ket dina pinalubosan dagiti Israelita?
ESTORIA 32
Ti 10 a Saplit
Nangyeg ti Dios iti 10 a kalamidad kadagiti Egipcio gapu laeng ta impatangken ni Paraon nga ari ti Egipcio a saanna a palubosan a pumanaw dagiti Israelita.
ESTORIA 33
Panangballasiw iti Nalabaga a Baybay
Babaen ti pannakabalin ti Dios, binisngay ni Moises ti Nalabaga a Baybay ket nakaballasiw dagiti Israelita iti namaga a daga.
