KIPUNGU 2
Kufuma Kimye kya Muyulo Kufika mu Kimye kya Kupokololwa mu Ijipita
Bantu batanu na basatu bo bonkatu bapulukile mu Muyulo, bino byo papichile myaka yavula bantu bananukile ke biumbi byavula. Abalahama naye waishile kusemwa panyuma ya kupitapo myaka 352 kufuma kimye kya Muyulo. Tufunda Lesa byo afikizhe mulaye ye alayañene na Abalahama kupichila mu kumupa mwana wamulume wa jizhina ja Izaka. Kabiji pa baana babiji basemene Izaka, Lesa wasalulwilepo Yakoba.
Yakoba wajinga na baana babalume 12 ne baana babakazhi. Baana babalume jikumi ba kwa Yakoba bashikilwe bingi nkasabo Yosefwa kabiji bamupoteshe mu buzha mu Ijipita. Palutwe kacheche Yosefwa waikajile ndamakyalo wanemene bingi mu Ijipita. Byo kwaishile kipowe kya nzala, Yosefwa waesekele balongo banji kuba’mba amone inge kya kuba bapimpwile michima yabo. Kyapeleleko kisemi kyonse kya kwa Yakoba, ko kuba’mba bena Isalela, bavilukijile mu Ijipita. Kino kyamwekele saka papita myaka 290 kufuma kimye kyasemenwe Abalahama.
Bena Isalela baikajile mu Ijipita myaka 215 yalondejilepo. Yosefwa byo afwile, baalukile ke bazha. Mu kupita kwa kimye Mosesa wasemenwe, kabiji Lesa wamwingijishe kupokolola bena Isalela mu Ijipita. Bino byonse byamwekele mu myaka 857, byaambiwapo mu Kipungu kya BUBIJI.
BIJI MU KINO KIPUNGU
JISHIMIKILA 12
Banabalume Batungile Kyamba Kikatampe
Lesa kechi watemenwe ne, kabiji byo ebakambwile ne bantu lelo jino bafwainwa kufunjilako.
JISHIMIKILA 13
Abalahama Mulunda na Lesa
Mambo ka Abalahama o afumijile mu muzhi wanji wawama ne kwikalangatu mu matente bwikalo bwanji bonsetu?
JISHIMIKILA 14
Lesa Waesekele Lwitabilo lwa kwa Abalahama
Mambo ka Lesa o aambijile Abalahama amba alambule mwananji aye Izaka?
JISHIMIKILA 15
Mukazhanji Lota Watajile Kunyuma
Kintu kyo aubile kitufunjishapo kintu kyawama bingi.
JISHIMIKILA 16
Izaka Wasongwele Mwanamukazhi Wawama
Ñanyi kintu kyalengejile Libeka kwikala mwanamukazhi wawama? Nanchi buuya bwanji nyi, inyi kintu kikwabo?
JISHIMIKILA 17
Mapasa Apusene
Shabo aye Izaka watemenwe bingi Isao, bino inabo aye Libeka watemenwe bingi Yakoba.
JISHIMIKILA 18
Yakoba Wayile ku Halana
Yakoba wasongwele Liya ptanshi nangwa kya kuba aye watemenweko Lechela.
JISHIMIKILA 19
Yakoba Waikele na Kisemi Kikatampe
Nanchi mikoka 12 ya bena Isalela beitumbile jizhina ja baana 12 ba kwa Yakoba nyi?
SJISHIMIKILA 21
Yosefwa Bamushikilwe Ku Bakolojanji
Ñanyi kintu kimo kyalengejile bakolojanji kukeba kwipaya Yosefwa?
JISHIMIKILA 22
Yosefwa Bamutaile mu Kaleya
Bamutayile mu kaleya kechi na mambo a kulala muzhilo ne, bino kyajinga na mambo Yosefwa waubile kintu kyawama.
JISHIMIKILA 24
Yosefwa Wibesekele Bakolojanji
Yosefwa wafwainwe kuyuka byepi inge bakolojanji kine bapimpula byubilo byabokufuma kimye kyo bamupoteshe kwikala muzha?
JISHIMIKILA 25
Kisemi kya kwa Yakoba Kyavilukijile ku Ijipita
Mambo ka ba mu kisemi kya kwa Yakoba o batelelwa’mba bena Isalela kechi amba bena Yakoba ne?
JISHIMIKILA 26
Yoba Wajinga Muntu Waakamwanga Lesa
Bunonshi bonse bwa kwa Yoba bwaonaikile, wakolelwe bingi, wafwishishe baana banji bonse. Nanchi Lesa ye wamumanyikilenga nyi?
JISHIMIKILA 27
Ndamakyalo Watama Walamine Ijipita
Mambo ka felo o akambizhe bantu banji kuba’mba bepaye baana ba balume bonse ba bena Isalela?
JISHIMIKILA 28
Mosesa byo Bamupulwishe Saka Akiji Mwana
Inanji Mosesa watangile po banemba mu mizhilo amba baana bonse ba balume bena Isalela bafwainwa kwibepaya.
JISHIMIKILA 29
Ene Mambo Alengejile Mosesa Kunyema
Mosesa wimwene’mba wafikilamo kupokolola bena Isalela byo afikizhe myaka 40, bino kechi wafikijilemo ne.
JISHIMIKILA 30
Kipuupu Kyatemenenga
Kwingijisha bya kukumya byapusana pusana, Lesa wabuujile Mosesa amba kimye kyafika Mosesa kuba’mba atangijile bena Isalela kufuma mu Ijipita.
JISHIMIKILA 31
Ba Mosesa ne Alona Bamonañene ne Felo
Mambo ka Felo o akainjile kumvwina byamubuujile Mosesa kukasulula bena Isalela?
STORY 32
Myalo Jikumi
God brought 10 calamities on Egypt, all because the Egyptian ruler Pharaoh stubbornly refused to let the Israelites go.
JISHIMIKILA 33
Kwabuka Kalunga Kachila
Mosesa waabenye mema pa Kalunga ka Mema Kachila na bulume bwa Lesa ne bena Isalela baabukile pa mushiji wauma.
