PAT 2
Frɔm we di Ebi Ren Kam te di Izrɛlayt dɛn Kɔmɔt na Ijipt
We di Ebi Ren bin kam na et pipul dɛn nɔmɔ bin sev. As tɛm de go, pipul dɛn bigin bɔku na di wɔl. Dɛn bɔn Ebraam 352 ia afta di Ebi Ren kam. Wi go lan aw Gɔd gi Ebraam di bɔy pikin we i bin prɔmis am. Di pikin nem Ayzak. Wi go lan bak bɔt aw Gɔd bin pik Jekɔb, pan Ayzak in tu bɔy pikin dɛn.
Jekɔb bin gɛt big famili. I bɔn 12 bɔy pikin dɛn ɛn sɔm gyal pikin dɛn. Tɛn pan Jekɔb in bɔy pikin dɛn bin et wan pan dɛn smɔl brɔda we nem Josɛf. Ɛn dɛn sɛl am fɔ bi slev na Ijipt. Leta, Josɛf bi wan impɔtant pɔsin na Ijipt. We plɛnti tin fɔ it nɔ bin de, Josɛf tɛst in brɔda dɛn fɔ no if dɛn dɔn chenj. Afta ɔl dis, Jekɔb in wan ol famili go de na Ijipt. Na Jekɔb in famili dɛn kɔl di Izrɛlayt dɛn. Di Izrɛlayt dɛn go na Ijipt 290 ia afta dɛn bɔn Ebraam.
Di Izrɛlayt dɛn de na Ijipt fɔ 215 ia. We Josɛf day, di Izrɛlayt dɛn bi slev na Ijipt. We i te smɔl, na de dɛn bɔn Mozis, ɛn Gɔd yuz am fɔ pul di Izrɛlayt dɛn kɔmɔt na Ijipt. So, ɔltin na Pat TU apin insay 857 ia.
INSAY DIS SƐKSHƆN
STORI 12
Di Pipul dɛn we Bin De Bil Wan Ay Ay Os
Gɔd nɔ bin gladi, ɛn di pɔnishmɛnt we I bin gi dɛn stil de afɛkt pipul dɛn tide.
STORI 16
Ayzak Mared Gud Uman
Wetin mek Ribɛka na bin gud uman? Na di fayn we I bin fayn, ɔ na ɔda tin?
STORI 24
Josɛf Tɛst in Brɔda Dɛn
Aw I go ebul fɔ no if in brɔda dɛn dɔn chenj frɔm di tɛm we dɛn bin dɔn sɛl am as slev?
STORI 25
Jekɔb in Famili Kam na Ijipt
Wetin mek dɛn kɔl Jebɔb in famili Izrɛlayt dɛn nɔ kɔl dɛn Jɔkɔbayt dɛn?
STORI 26
Job Bin Fetful to Gɔd
Job lɔs in prɔpati, in wɛlbɔdi, ɛn ɔl in pikin dɛn. Fɔ se Gɔd bin de pɔnish am?
STORI 27
Wan Bad Kiŋ Rul na Ijipt
Wetin mek I bin tɛl pipul dɛn fɔ kil ɔl di Izrɛlayt bɔypikin dɛn we dɛn de bɔn?
STORI 28
Aw Mozis Bin Sev
In mama fɛn we fɔ mek I sev pan ɔl we dɛn bin dɔn pas lɔ se dɛn fɔ kil ɔl dɛn Izrɛlayt bɔypikin dɛn we dɛn de bɔn.
STORI 29
Wetin Mek Mozis Rɔnawe
Mozis bin tink se I dɔn rɛdi fɔ sev di Izrɛlayt dɛn di tɛm we I bin ol 40 ia, bɔt I nɔ bin dɔn rɛdi yet.
STORI 30
Di Tik we Kech Faya
Gɔd yuz difrɛn difrɛn mirekul dɛn fɔ sho se tɛm dɔn kam fɔ pul di Izrɛlayt dɛn kɔmɔt na Ijipt.
STORI 32
Di Tɛn Bad Tin dɛn we Bin Apin na Ijipt
Gɔd mek 10 bad tin dɛn apin na Ijipt bikɔs di Fɛro we bin de rul Ijipt nɔ bin gri fɔ lɛf di Izrɛlayt dɛn fɔ mek dɛn go.
STORI 33
Di Izrɛlayt dɛn Krɔs di Rɛd Si
Gɔd yuz in pawa fɔ ɛp Mozis fɔ dray di Rɛd Si ɛn di Izrɛlayt dɛn krɔs na dray land.
