KUNKU KIA 2
Tuka Kizalu Yaku Luvaiku Muna Engipito
Nana dia wantu kaka bavuluka muna Kizalu. Kansi, kuna kwalanda, bawutana yo wokela. Vioka mvu 352 tuka Kizalu, Abarayama wawutuka. Tulongoka una Nzambi kalungisila nsilu andi a vana Abarayama mwana wayikilwanga vo Isaki. O Isaki wawuta wana wole, o Nzambi wasola Yakobo.
Yakobo wan’ayingi kawuta, wan’amakala 12 ye an’amakento. Ekumi dia wan’andi amakala basaula Yosefe wa mpangi au yo kunteka se mbundu kuna Engipito. Oku sentu, o Yosefe wakituka se mfumu kuna Engipito. Vava kiakala mvengele muna nsi, o Yosefe watonta ampangi zandi mu zaya kana vo basoba ngindu zau zambi. I bosi, nzo yawonso ya Yakobo, i sia vo Aneyisaele bayaluka yo kwenda kuna Engipito. Ediadi diabwa vioka 290 lwa mvu kunima ngutuk’a Abarayama.
Mvu 215 bakala Aneyisaele muna Engipito. O Yosefe vava kafwa, bakitulwa se abundu. O Mose muna kolo kiakina i kawutuka. O Nzambi wansadila mu kula Aneyisaele muna Engipito. E Kunku kiaki KIAZOLE lusansu lwa mvu 857 kiyikanga.
MU KUNKU KIAKI
LUSANSU LWA 12
Wantu Batungidi Nzo ya Nda
Nzambi kayangalala ko vava o wantu batunga e nzo ya nda ya Babele. E tumbu kabavana kikututwasilanga mfwilu yamu wau.
LUSANSU LWA 13
Abarayama, Nkundi a Nzambi
Ekuma Abarayama kasisila e zingu kiambote kakala kiau yo kwenda zingila muna saba?
LUSANSU LWA 14
Nzambi Otontele Lukwikilu Lwa Abarayama
Ekuma Nzambi kalombela Abarayama vo katambika Isaki wa mwan’andi se kimenga?
LUSANSU LWA 15
Nkaz’a Loti Watala ku Nima
Dina nkaz’a Loti kavanga dilenda kutulonga diambu diamfunu.
LUSANSU LWA 16
Isaki Osompele Nkento Ambote
Nkia diambu diakitula Rebeka se nkento ambote? Nga wete wa mpw’andi yovo diambu diankaka?
LUSANSU LWA 17
Nsimba Zaswaswana
O se diau, Isaki, wazolanga Esau, kansi o ngudi au, Rebeka, watoma zolanga Yakobo.
LUSANSU LWA 19
Yakobo Owutidi Wan’ayingi
Nga e nkumbu za makanda 12 ma Isaele mu wana 12 a Yakobo zatuka?
LUSANSU LWA 21
Yosefe Omengeno kwa Mpangi Zandi
Nkia mambu mafila akaka muna mpangi za Yosefe mu vava kumvonda?
LUSANSU LWA 22
Yosefe Osilu mu Pelezo
Osilu mu pelezo ke mu kuma kia sia ko vo nsiku kakulwidi, kansi mu kuma kia vanga edi diansongi.
LUSANSU LWA 23
Ndozi za Faro
E ngombe nsambwadi ye ntu nsambwadi mia masa diambu dimosi miasunzulanga.
LUSANSU LWA 24
Yosefe Otontele Mpangi Zandi
Aweyi kadi zayila vo mpangi zandi basoba kikilu tuka bantekela se ntaudi?
LUSANSU LWA 25
Nzo a Yakobo Iyalukidi Kuna Engipito
Ekuma o wan’a Yakobo beyikilwanga vo Aneyisaele vana fulu kiayikilwa Aneyakobo?
LUSANSU LWA 26
Yobi Wasonga Kwikizi kwa Nzambi
Yobi wavidisa mavua mandi yo wan’andi awonso yo bakama kimbevo. Nga Nzambi wantumba?
LUSANSU LWA 27
Ntinu Ambi Oyadidi Muna Engipito
Ekuma Faro katumina nkangu andi vo bavonda konso mwan’eyakala wa Aneyisaele owutuka?
LUSANSU LWA 28
E Mpila In’o Mose wa Nsedia Kavuluzilwa
Ngudi a Mose wasolola e mpila yavuluzila mwan’andi muna nsiku wavovanga vo konso nsedia wayakala owutuka kuna kwa Aneyisaele kafwete vondwa.
LUSANSU LWA 29
Ekuma Mose Ketininanga?
Mose vava kalungisi mvu 40 kabenze vo owau wafwana mu vevola Aneyisaele muna ubundu, kansi kakala ntete wafwana ko.
LUSANSU LWA 30
Nti Ulemanga
Nzambi ovangidi masivi mu songa kwa Mose vo e ntangwa yafwana mu vaikisa Aneyisaele muna Engipito.
LUSANSU LWA 31
Mose yo Arone Bele kwa Faro
Ekuma Faro kalembi wila e mvovo mia Mose yo sindika Aneyisaele?
LUSANSU LWA 32
Vuku 10
Nzambi watwasa sumbula 10 muna Engipito, kadi o Faro wa nyadi a Engipito kazola sindika Aneyisaele ko.
LUSANSU LWA 33
Nsauk’a Mbu Ambwaki
Mose obudidi o Mbu Ambwaki vana kati muna nkum’a Nzambi ye Aneyisaele basaukidi vana ntoto ayuma.