Топон суудан сегиз гана адам аман калган, бирок убакыттын өтүшү менен алардын саны миңдеп көбөйгөн. Дүйнөлүк Топон суудан 352 жыл өткөндөн кийин, Ыбрайым төрөлөт. Кудай ага Ыскак аттуу уул берүү менен убадасын кантип аткарганын билебиз. Кийин Ыскактын эки уулунан Кудай Жакыпты тандаганы тууралуу окуйбуз.

Жакыптын үйбүлөсү чоң болгон. Анын 12 уулу жана бир нече кызы болгон. Жакыптын 10 уулу иниси Жусупту жек көрүп, Мисирге кулчулукка сатып жиберишет. Жусуп кийин Мисирде атактуу башкаруучу болот. Катуу ачарчылык болгондо, Жусуп агаларынын жүрөгү өзгөргөн-өзгөрбөгөнүн билүү үчүн аларды сынайт. Акырында Жакыптын үйбүлөсү, ысрайылдыктар, Мисирге көчүп барышат. Бул Ыбрайым төрөлгөндөн 290 жыл өткөндөн кийин болгон.

Ысрайылдыктар кийинки 215 жылды Мисирде өткөрүшөт. Жусуп өлгөндөн кийин, алар кул болуп калышат. Бир нече убактан кийин Муса төрөлөт, Кудай ал аркылуу ысрайыл элин Мисир кулчулугунан бошотот. ЭКИНЧИ бөлүктө жалпы жонунан 857 жылдын ичинде болуп өткөн окуялар баяндалат.