XI MAJAONI
Nga jaʼai Jtsínʼio saʼnda nga kinikatíondai chjota israelita ya Egipto
Tojin chjota tsʼangi kʼianga jaʼai Jtsínʼio, tonga xijeki nichxin nkjín jmi koanni. Xije jan siento kao ñachantejao nó jaʼato nga jaʼai Jtsínʼio, kʼia kitsin Abraham (Abrahán). Jchañá kʼianga kisitjoson Niná jme xi kitso kʼianga jngo ʼndí kitsjoale Abraham xi Isaac tsakʼin. Kʼoa nga jao xti xi kisʼele Isaac, jé Jacob kiskoejin Niná.
Nkjínya koanni yaniʼyale Jacob, tejao koanni xtixʼinle, kʼoati kisʼele xtiyánchjín. Te mani xtile Jacob xi koanjtike ndsʼe xi maʼndí, je xi José tsakʼin, tsakaténa nga choʼnda katama ya Egipto. Xijekoan, je José nʼio ngʼa tsakʼejna nga tsakatéxoma ya Egipto. Kʼianga jngo kjinrá kisʼe, je José kiskotʼayakao ndsʼe nga skoe tsa je kisikʼantjaiya yaole. Xijekoan, ngatsʼi yaniʼyale Jacob, je chjota israelita, ya kikatio ya Egipto. Kʼia kʼoakoan jebi nga je jao siento kao ñokan kao te nó jaʼato nga kitsin Abraham.
Jao siento kao xjaʼaon nó nga nda tsakatio ya Egipto je chjota israelita. Tonga kʼianga je kʼien José, choʼnda kinikao ya Egipto. Xijeki nichxin kʼia kitsin Moisés, kʼoa jé kisichjén Niná nga kisikatíondai je chjota israelita nga ya tjío Egipto. Jin siento kao ñachan xjaʼaonjao nó bichóni jebi kʼoa kui XI MAJAONI.
KUI FAʼAITʼA JEBI
KJOAʼMIYA 12
Jngo ndʼia xi nʼio ngʼa kji tsakʼénda chjota
Je Niná alikui kisasenle kʼoa saʼnda tsʼakaotʼaná tsanda ñá jmeni xi koantʼain.
KJOAʼMIYA 13
Abraham... miyole Niná
Ánni nga kitjosíni Abraham ya ʼndele nga̱ nʼio nda tíjna kʼoa nga to ndʼia najño kikʼejnaʼyasíni.
KJOAʼMIYA 14
Chotʼayakao kjoamakjainle Abraham
Ánni nga kʼoakitsosínile je Niná je Abraham nga katasíkʼienle je ʼndíle kʼoa nga katatsjoátʼale.
KJOAʼMIYA 15
Yátsʼi̱n kiskotsenni je chjoónle Lot
Nʼio tse jméni xi bakóyaná jmeni xi kisʼin je chjoónle Lot.
KJOAʼMIYA 16
Jngo chjoón xi ndasʼín kikijnyile Isaac
A kui jokisʼe axo kui jmeni xi kisʼin Rebeca xi tsakasenkao nga nda kisʼinni.
KJOAʼMIYA 17
Xtingʼion xi tsín tongoson koankjoan
Je Isaac ngisaa tsjoake koan Esaú tile, tonga je Rebeca ngisaa tsjoake koan je Jacob tile.
KJOAʼMIYA 19
Nkjín koansonni yaniʼyale Jacob
Je xi 12 ntje̱le Israel, a kui jaʼaínle xi tejao xtile Jacob tsakʼa
KJOAʼMIYA 22
Ndoyá chaní José
Ali tsa kuijin nga ndoyá kichanini tsa kjoatéxoma jaʼatone kuinga kui kʼoakisʼin xi ndatjín.
KJOAʼMIYA 23
Je nijñá xi tsakʼaile Faraón
Ngóson sʼin tsoyanile je xi ñato nra̱ja̱ kʼoa kao je xi trigo xi ñato mani xka̱ntsja.
KJOAʼMIYA 24
José kotʼayakao je xtindsʼe
Jókoa̱nni skoe̱ José tsa jetsín tikʼoakjoanni je ndsʼe̱ jokjoan nga tsakaténa.
KJOAʼMIYA 25
Yaniʼyale Jacob ya fi Egipto
Ánni nga israelita tsakʼinni je familiale Jacob kʼoa nga tsín jacobita tsakʼinni.
KJOAʼMIYA 26
Kixi kitʼale Niná je Job
Je Job kisicha je kjoanyinále, kitjochʼinle kʼoa kao ngatsʼi xtile. A jé Niná xokisikao je Job.
KJOAʼMIYA 27
Jngo rey xi tsʼen tsakatéxoma ya Egipto
Ánni nga kʼoakitsosínile je chjotale nga katasíkʼien ngatsʼi je ʼndílee xi xʼin xi israelita kʼianga jtsín.
KJOAʼMIYA 28
Bitjontjai je ʼndílee Moisés
Je na̱le tsakásjaile josʼin kisikʼéjna ʼma nga tsín katanikʼien, ninga kʼoakitso kjoatéxoma nga katanikʼien ngatsʼi ʼndílee xi xʼin.
KJOAʼMIYA 29
Ánni tsakangasíni Moisés
Kʼianga kichole ñachan nó, je Moisés kʼoasʼin kisikjaʼaitsjen nga jetíjnanda nga kʼoasjentjai chjota israelita, tonga kjeni tíjnanda.
KJOAʼMIYA 30
Je yánaʼyá xi tíbʼájnga
Je Niná nkjín kjoaxkón tsakatío. Xijekoan, kʼoakitsole Moisés nga katabʼasje je naxinandá Israel ya Egipto.
KJOAʼMIYA 31
Moisés kao Aarón fichókonle Faraón
Ánni nga tsín kinrʼoésíni Faraón kʼoa nga tsín kisikatíondaísíni je chjota israelita tojo kitsole Moisés.
KJOAʼMIYA 32
Kjoañʼai xi te
Je Niná te kjoañʼai kisikasénne naxinandá Egipto. Kuinga kʼoakisikaoni nga nʼio xíjin koan je Faraón nga tsín kisikatíondaí je chjota israelita.
KJOAʼMIYA 33
Nga jaʼatojinndá ya ndáchikon xi Ní ʼmi
Je Moisés kao nganʼiole Niná kisijaoyani je Ndáchikon xi Ní ʼmi, kʼoa tokixí chon nga jaʼa chjota israelita.
