भाग २

जलप्रलयदेखि मिश्रबाट छुटकारासम्म

हेर्नुहोस्

जलप्रलय हुँदा आठ जना मात्र बाँचेका थिए तर केही समयपछि उनीहरूको संख्या बढेर हजारौं भयो। जलप्रलय भएको ३५२ वर्षपछि अब्राहाम जन्मियो। परमेश्‍वरले अब्राहामलाई इसहाक नाउँको एउटा छोरो दिनुभएर आफ्नो प्रतिज्ञा पूरा गर्नुभयो। यसपछि इसहाकका दुई छोरामध्ये परमेश्‍वरले याकूबलाई छान्‍नुभयो।

याकूबको ठूलो परिवारमा १२ छोरा र केही छोरी थिए। याकूबका १० छोराले आफ्नो भाइ यूसुफलाई घृणा गर्थे र उसलाई मिश्रमा दास हुन बेचिदिए। पछि यूसुफ मिश्रमा ठूलो मान्छे बन्यो। एउटा ठूलो अनिकाल पर्दा यूसुफले आफ्ना दाइहरूको मन बद्‌लिएको छ कि छैन भनेर थाह पाउन जाँच गऱ्‍यो। अन्तमा इस्राएलीहरू अथवा याकूबको पूरै परिवार मिश्रमा बस्न थाल्यो। यो घटना अब्राहाम जन्मेको २९० वर्षपछिको हो।

त्यसपछिको २१५ वर्षसम्म इस्राएलीहरू मिश्रमै बसे। यूसुफ मरेपछि उनीहरू त्यहाँ कमारा भए। पछि मोशा जन्मियो र इस्राएलीहरूलाई मिश्रबाट छुटाउन परमेश्‍वरले उसलाई चलाउनुभयो। भाग दुईमा जम्माजम्मी ८५७ वर्ष लामो इतिहास छ।