FOA 2
Azuyilɛ Ne Kɔdwu Yigyibiti Ɛlielɛ Ne
Menli mɔtwɛ pɛ a pɛle Azuyilɛ ne a, noko mekɛ hɔle bie la bɛ nwo zonle bɛyɛle apenle apenle dɔɔnwo. Na, Azuyilɛ ne anzi ɛvolɛ 352, bɛwole Ebileham. Yɛnwu kɛ Nyamenle zile lile ye ɛwɔkɛ zo manle Ebileham wole ralɛ nrenya mɔɔ bɛfɛlɛ ye Ayezeke la. Akee, wɔ Ayezeke amra mrenya nwiɔ ne anu, Nyamenle kpale nu yele Gyekɔbo.
Gyekɔbo nyianle abusua kpole mɔɔ mralɛ mrenya 12 yɛɛ mralɛ mraalɛ noko wɔ nu a. Gyekɔbo amra mrenya 10 ne kpɔle bɛ diema kakula Dwosefi na bɛdɔnenle ye bɛhɔle Yigyibiti akɛlɛzonlenlɛ nu. Amozii, Dwosefi rayɛle tumivolɛ mɔɔ anwo hyia kpalɛ la wɔ Yigyibiti. Mekɛ mɔɔ ɛhɔne kpole bie rale la, Dwosefi zɔle ɔ mediema ne mɔ nleanle kɛ bɛnyia adwenle nzenzaleɛ a. Awieleɛ kolaa ne, Gyekɔbo abusua ne amuala, Yizilayɛma ne, dule hɔle Yigyibiti. Bɛwole Ebileham ɔ nzi ɛvolɛ 290 kolaa na ɛhye azi.
Wɔ ɛvolɛ 215 mɔɔ doale ye la anu, Yizilayɛma ne dɛnlanle Yigyibiti. Wɔ Dwosefi ewule nzi, bɛrayɛle ngɛkɛlɛ wɔ ɛkɛ. Mekɛ hɔle bie la, bɛwole Mosisi, na Nyamenle luale ɔ nwo zo liele Yizilayɛma vile Yigyibiti. Wɔ ɔ muala anu, ɛvolɛ 857 anu tetedwɛkɛ a wɔ Foa NWIƆ ne anu a.
WƆ FOA ƐHYE
EDWƐKƐ 12
Menli Si Tawa Kpole Bie
Nyamenle anye anlie nwo na ɔhwenle bɛ nzo wɔ nwolɛ na ɛhye ka yɛ ɛnɛ.
EDWƐKƐ 13
Ebileham —Nyamenle Agɔnwo
Duzu ati a Ebileham vile ye sua nu na ɔhɔdɛnlanle ndanlɛsua nu a?
EDWƐKƐ 14
Nyamenle Zɔle Ebileham Diedi Nleanle
Duzu ati a Nyamenle hanle kɛ Ebileham ɛva ɔ ra ne ɛbɔ afɔle ɛ?
EDWƐKƐ 16
Ayezeke Nyianle Yelɛ Kpalɛ
Duzu a maanle Relɛbɛka yɛle yelɛ kpalɛ a? Ye anwofɛlɛko anzɛɛ debie fofolɛ bie ɔ?
EDWƐKƐ 17
Ndalɛ Mɔɔ Ɛnee Le Ngakyile
Bɛ papa, Ayezeke, hulole Yisɔ kpalɛ, noko bɛ nli, Relɛbɛka, hulole Gyekɔbo kpole kpalɛ.
EDWƐKƐ 19
Gyekɔbo Lɛ Abusua Kpole
Asoo bɛvale Gyekɔbo amra mrenyia 12 ne aluma a bɛdonle Yizilayɛ mbusua 12 ne a?
EDWƐKƐ 22
Bɛdo Dwosefi Efiade
Tɛ ɛtane mɔɔ ɔyɛle la ati yɛɛ bɛdole ye efiade a, emomu debie kpalɛ mɔɔ ɔyɛle la ati ɔ.
EDWƐKƐ 24
Dwosefi Zɔle Ɔ Mediema Ne Mɔ Nleanle
Kɛ ɔkɛyɛ na yeanwu ye kɛ bɛhakyi ɔvi mekɛ mɔɔ bɛdɔnenle ye kɛ akɛlɛ la ɛ?
EDWƐKƐ 25
Abusua Ne Dule Hɔle Yigyibiti
Duzu ati a bɛfɛlɛ Gyekɔbo abusua ne anu amra Yizilayɛma na tɛ Gyekɔboma ɛ?
EDWƐKƐ 26
Dwobu Di Nɔhalɛ Maa Nyamenle
Dwobu minlinle ye anwonyia, ɔ mra nee ye kpɔkɛdelɛ. Asoo ɛnee Nyamenle a ɛlɛtwe ɔ nzo ɔ?
EDWƐKƐ 27
Belemgbunli Atisesebɛ Bie Sie Yigyibiti
Duzu ati a ɔhanle ɔhilele ye menli ne kɛ bɛhu Yizilayɛ adɔma biala mɔɔ le nrenya la ɛ?
EDWƐKƐ 28
Kɛzi Bɛliele Adɔma Mosisi Ngoane La
Mekɛ mɔɔ bɛyɛle mɛla kɛ bɛhu Yizilayɛ ngakula mrenya kɔsɔɔti la, ɔ nli bɔle mɔdenle kɛ ɔbalie ye ngoane.
EDWƐKƐ 29
Deɛ Mɔɔ Ɔti Mosisi Nriandile La
Mekɛ mɔɔ Mosisi nyianle ɛvolɛ 40 la, ɛnee ɔdwenle kɛ yeziezie ɔ nwo kɛ ɔbahola yealie Yizilayɛma, noko ɛnee ɔnle nɔhalɛ.
EDWƐKƐ 30
Kpɔkɛ Mɔɔ Ɛlɛsɔ
Nyamenle luale nwanwane ninyɛne ngakyile zo ɔhanle ɔhilele Mosisi kɛ mekɛ ɛdwu kɛ ɔye Yizilayɛma ɔfi Yigyibiti.
EDWƐKƐ 32
Ngyegyelɛ 10 Ne
Nyamenle vale ngyegyelɛ 10 rale Yigyibitima anwo zo ɔluakɛ Falo kpole kɛ ɔbamaa Yizilayɛma ahɔ.
EDWƐKƐ 33
Nyevile Kɔkɔlɛ Ne Ɛpɛlɛ
Mosisi luale Nyamenle tumi zo manle nyevile kɔkɔlɛ ne anu hyɛle nwiɔ. Yizilayɛma luale azɛlɛ resee zo pɛle Nyevile Kɔkɔlɛ ne.