Iskay kaq tanta

Jatun paramantapacha egiptomanta kacharichiykama

Pusaq runalla Jatun Parapi mana wañurqankuchu, chaymanta qhipamanqa runa mayta mirarqa. Jatun Paramanta 352 watanman, Abraham sutiyuq runa nacekurqa. Rikusunchik imaynatachus Dios Abrahamman juk churita Isaac sutiyuqta qurqa. Chaymanta Diosqa, Isaacpa iskaynin wawasninmanta, Jacobta akllasqanta yachallasuntaq.

Jacobqa jatun familiayuq karqa, payqa 12 churisniyuq, chantapis ususisniyuq karqa. 10 churisninqa sullkʼa kaq wawqinkuta Joseta chiqnispa, Egiptopi kamachi kananpaq ranqharqanku. Chaymanta qhipaman, Joseqa may sumaq kamachiq runaman Egiptopi tukurqa. May jatun yarqhay rikhurirqa, chaypacha José wawqisninta rikuspa, tikrakunkuchus manachus yachayta munarqa. Chaymanta Jacobpa tukuy familian, israelitakuna, Egiptoman kawsaq ripurqanku. Kayqa Abraham nacekusqanmanta 290 watasninman ruwakurqa.

Israelitasqa 215 watasta Egiptopi tiyakurqanku, José wañuptinkamataq kamachisman tukunku. Chaypi Moisés wawita nacekurqa, paytaqa Diosninchik llaqtanta Egiptomanta kacharichinanpaq akllarqa. Kay ISKAY kaq tantapiqa 857 watakunapi ruwakusqanmanta willakuchkan.