Xiw wajxaqibʼ winaq xekʼaseʼ kan pa Nimalaj Jabʼ, tekʼuriʼ chiʼ xqʼax ri junabʼ xeʼubʼan e kʼi täq mil. Tekʼuriʼ, qʼaxnäq chi 352 junabʼ che kʼisnaq che ri Nimalaj Jabʼ, xalax ri Abrahán. Kqetaʼmaj che ri Ajawaxel xubʼano su xutzujuj che ri Abrahán che xuya jun ukʼojol ubʼiʼ Isaac. Tekʼuriʼ, ri Ajawaxel xuchaʼ ri Jacob, wariʼ are jun chike ri kebʼ ukʼojol ri Isaac.

Ri Jacob xekʼejeʼ 12 (kabʼlajuj) ukʼojol xuqujeʼ e kʼo jujun täq umiʼal. Ri täq ukʼojol ri Jacob xkebʼan kʼäx che ri José, xkekʼayij bʼik rech kbʼan jun ajchak che, tekʼuriʼ tojon ta uqʼij chilaʼ pa Egipto. Qʼaxnäq chi täq qʼij, ri José xubʼan jun achi nim uqʼij pa Egipto. Chiʼ xpe jun nimalaj wiʼjal, ri José xubʼan chike ri rachalal che kkekʼut chuwäch che qastzij kejalom chi kichʼobʼonik. Kʼisbʼal re ri ufamilia ri Jacob, ri täq israelitas, xebʼe pa Egipto. Wariʼ xbʼantaj 290 junabʼ che alaxnaq chi ri Abrahán.

Ri täq israelitas xekʼaseʼ 215 junabʼ pa Egipto. Kamnäq chi José, xbʼan ajchak chike tekʼuriʼ tojon ta chike. Qʼaxnäq chi täq junabʼ xalax ri Moisés, tekʼuriʼ ri Ajawaxel xukoj ri Moisés che kesaxik ri israelitas pa ri Egipto. Ronojel wa täq bʼantajik kutzʼaqatisaj 857 junabʼ, are waʼ kiltajik pa we UKABʼ Jupuq.