MBAGE 2
Kota Moa juska na zingo azo ti Israël na Égypte
Gi azo miombe si asö kuâ na Kota Moa. Me tongana ngoi ayeke hon, ala wu mingi na sese juska ala ga saki mingi. Ngu 352 na peko ti Kota Moa, a dü Abraham. Nzapa asara ye alingbi na tënë ti yanga ti lo tongana lo mû na Abraham molenge ti koli so iri ti lo ayeke Isaac. Na popo ti amolenge ti Isaac ti koli use, Nzapa asoro Jacob.
Jacob adü amolenge ti koli 12 na ambeni molenge ti wali nga. Amolenge ti koli ti Jacob 10 ake ngambe ti ala Joseph na ala kä lo si lo ga ngbâa na Égypte. Na pekoni, Joseph aga mbeni kota zo ti komande ti Égypte. Tongana kota nzara asara, Joseph atara aita ti lo ti bâ wala ala gbian bê ti ala awe. Na nda ni, sewa ti Jacob kue, azo ti Israël, ague na Égypte. Aye so asi ngu 290 na peko ti dungo Abraham.
Teti ngu 215, azo ti Israël aduti na sese ti Égypte. Na peko ti kuâ ti Joseph, ala ga angbâa. A si na mbeni ngoi, a dü Moïse, na Nzapa airi lo ti zi azo ti Israël na Égypte. Na MBAGE 2 so, a sara tënë ti aye so asi na yâ ti ngu 857.
NA YÂ TI MBAGE SO
MBAÏ 13
Abraham, koli so Nzapa aye tënë ti lo mingi
Ngbanga ti nyen la Abraham azia lani pendere ndo ti lo, ti mû tanga ti fini ti lo ti lango na gbe ti atente?
MBAÏ 14
Nzapa atara mabe ti Abraham
Ngbanga ti nyen la Nzapa ahunda na Abraham ti mû Isaac na sandaga?
MBAÏ 16
Isaac amû nzoni wali
Nyen la asara si Rebecca ayeke mbeni mara ti nzoni wali so? Pendere ti lo, wala mbeni ye nde?
MBAÏ 17
Esaü na Jacob
Babâ ti ala, Isaac, aye lani Esaü mingi, me mama ti ala, Rebecca, aye lani Jacob mingi.
MBAÏ 21
Aita ti Joseph ake lo
Nyen la alingbi ti sara si ambeni na popo ti ala aye ti fa tâ ita ti ala?
MBAÏ 22
Joseph na da ti kanga
A ga na lo ge, pëpe ndali ti so lo doro ndia, me ndali ti so lo sara ye so ayeke nzoni.
MBAÏ 24
Joseph atara aita ti lo
Lo yeke hinga tongana nyen wala ala changé biani na peko ti so ala kä lo na ngbâa so?
MBAÏ 25
Sewa ti Jacob ague na Égypte
Ngbanga ti nyen a iri azo ti sewa ti Jacob a tene azo ti Israël me azo ti Jacob ape?
MBAÏ 26
Job aduti be-ta-zo na Nzapa
Job agirisa mosoro ti lo, lo yeke na kobela, nga amolenge ti lo kue akui. Eskê Nzapa la ayeke punir lo lani so?
MBAÏ 27
Mbeni sioni gbia akomande na Égypte
Ngbanga ti nyen la lo hunda na azo ti lo ti fâ amolenge-koli kue ti azo ti Israël?
MBAÏ 28
A sö Moïse na yâ ti ngu
Mama ti lo asara ti lo ye nde na ye so ndia ahunda ti tene a fâ amolenge-koli kue.
MBAÏ 29
Moïse akpe
Na ngoi so Moïse ayeke na ngu 40, lo pensé ti lo so lo lingbi awe ti sö azo ti Israël, andâ ade.
MBAÏ 30
Moïse na Horeb
Mbeni keke so wâ ayeke gbi dä, me keke ni agbi ape. Jehovah Nzapa atene na Moïse ti zi azo ti Israël na gbe ti ngbâa na ti sigi na ala na Égypte.
MBAÏ 32
Aye ti ngangu 10
Nzapa aga na aye ti ngangu 10 na ndo ti Égypte ndali ti so Pharaon, gbia ti Égypte, asara kpengba-li lo ke ti zia azo ti Israël ti gue.
MBAÏ 33
Fango Kota Ngu Bengba
Moïse asara si yâ ti Kota Ngu-Bengba akangbi na lege ti ngangu ti Nzapa na azo ti Israël ahon na ndo ti kuru sese.
