Fizarà 2

Safodrano Zisiky amy Fanafàha Baka Ejipta

Olo valo avao ro niavotse tamy Safodrano iny, fe laha fa nandeha ty fotoa le nitombo ho arivo mahery roze. Terake Abrahama 352 tao tafara’ty Safodrano. Nampitamà an’i Abrahama Andranahare fa hanome anake lahy aze, ka notanterahine safà io laha fa naterake Isaka. Bakeo, Jakoba ro nofilì-Ndranahare tamy anan’i Isaka roe lahy reny.

Nana fianakaviam-be nisy anake lahy 12, noho anak’ampela maromaro Jakoba. Nihala anan’i Jakoba folo lahy ty zain-droze faralahy atao hoe Josefa zay, ka navìlin-droze ho andevo ta-Ejipta tane. Tafara atoy le nanjary mpitarike nalaza ta-Ejipta tao Josefa. Laha fa niavy ty keré, le notsapàn’i Josefa rahalahine reo vasa mba fa niova fo. Tamy farane le nifindra ta-Ejipta tany ty Israelita na ty fianakavian’i Jakoba iaby. Niseho raha zay 290 tao tafara’ty nahaterahan’i Abrahama.

Tafarani’zay le nipetrake 215 tao ta-Ejipta tany ty Israelita. Tafara’ty nahafatesan’i Josefa, le nanjary andevo tao roze. Laha fa nandeha ty fotoa, le naterake Mosesy, ka nampiasà-Ndranahare ie mba hanafake Israelita reo baka Ejipta ao. Amy fitambarane, le mitantara ty raha nisy tanaty 857 tao Fizarà FAHAROE toy.