Kj kgalhtsayan kristianos lakgtaxtukgolh akxni milh Munkaklat, pero alistalh akglhuwa mil wankgolh. Akxni xtitaxtunitta Munkaklat titaxtulh 352 kata, lakachilh Abrahán. Naʼakxilhaw la Dios makgantaxtilh xtamalaknun akxni maxkilh Abrahán chatum xkgawasa xtukuwani Isaac. Alistalh, Isaac kgalhilh kgalhtiy xlakgkgawasan, xlichatiykan lakgkgawasan Dios laksakli Jacob.

Jacob lu lanka familia xkgalhiy kgalhkutiy lakgkgawasan chu makgapitsi laktsumajan. Xkgalhkawkan xlakgkgawasan Jacob, ni xakxilhputunkgoy xtala xataju, José, chu stakgolh xlakata kaj skujni xlitaxtulh anta kʼEgipto. Alistalh, José lanka mapakgsina litaxtulh anta kʼEgipto. Akxni milh akgtum lanka tatsinksni José kaliʼakxilhli xnatalan komo xlakgpalikgonit xtalakapastaknikan. Alistalh putum xfamilia Jacob li Israel, ankgolh tawilakgoy kʼEgipto. Ankgolh kʼEgipto akxni xtitaxtunitta 290 kata akxni tilakachilh Abrahán.

Chu 215 kata nema xʼama min wa li Israel anta xwilakgolh kʼEgipto. Akxni xninitta José, kaj skujnin kalilakatika anta kʼEgipto. Titaxtulh kilhtamaku lakachilh Moisés, chu Dios lilaksakli xlakata nakalilakgmaxtuy li Israel kʼEgipto. Uma tuku nalichuwinanaw XLIPULAKTIY uma libro, likgantaxtulh 857 kata.