Fizaran̈a 2

Rango Tamy Safodrano Zisk’amy Nan̈avaotan̈a Israelita aby io ta Ejipta

Olo valo fo tafitsaka velon̈o tamy Safodrano, kanefa andra koa fa nandeha, olo nahainaro. Abrahama teraka, 352 taon̈o tafaran’ny Safodrano. Atsika hianatra karakôry nitanàn’ny Zan̈ahary vava nataony tamin’izy nan̈amia Abrahama zanaka, Isaka natao an̈arany. Tamy zanak’Isaka aroe lahy, Jakoba nifidin’ny Zan̈ahary.

Jakoba nanan-janaka maro: 12 lelahy, aviô nisy man̈angy koa. Folo lahy tamy zanaka Jakoba aby io tsy tia Josefa zandrin-drô. Ke irô nivarotro izy hatao andevo ta Ejipta. Tafaran’izen̈y, Josefa nanjary manam-pahifan̈a malaza ta Ejipta. Izikoa fa navy mosary mare, Josefa nitsapa jery zôkiny aby io, misy ahaizany irô niova sa karakôry. Tamy farany amy zay, Jakoba ndreky ry havany jiaby, Israelita ikahian̈a irô, nifindra ta Ejipta. Raha jiaby zen̈y niboaka 290 taon̈o tafaran’ny nitirahan’Abrahama.

Tan̈atin’ny 215 taon̈o tafaran’izen̈y, Israelita aby io nipetraka ta Ejipta. Josefa koa fa naty, Israelita aby io nanjary andevo ta Ejipta. Tan̈atin’izen̈y, Mosesy teraka, baka iô Zan̈ahary nan̈iraka izy han̈avotro Israelita aby io ta Ejipta. Izikoa konten̈a, raha nandalo tan̈atin’ny 857 taon̈o koran̈iny amy Fizaran̈a FAHAROE ty.