MBALI 2
Cikumba Mpaka Kulupuka ku Ukapolo wa ku Eguputo
Ŵandu msano ni ŵatatupe ni ŵaŵakulupwice Cikumba cila. Nambo pajapitaga ndaŵi ciŵalanjilo ca ŵandu catupaga macilamacila. Kaneko, pali papite yaka 352 citendecele cikumba, ŵapagwile Abulahamu. Tukusalijiganya yaŵatesile Mlungu pakwanilisya cilanga cakwe mwakumpa Abulahamu mwanace jwamlume jwakolanjikwa Isaki. Kaneko mwa ŵanace ŵaŵili ŵa Isaki, Mlungu ŵasagwile Yakobo.
Yakobo ŵakwete liŵasa lyekulungwa lya ŵanace 12 ŵacilume ni ŵacikongwe. Ŵanace 10 ŵa Yakobo ŵam’ŵengaga Yusufu juŵaliji mpwawo ni ŵamsumisye ku ukapolo ku Eguputo. Kaneko, Yusufu ŵapocele ulamusi wekulungwa mu Eguputo. Pajagwile sala jakogoya, m’cilambomo, Yusufu ŵalinjile acalongo acimjakwe ŵala kuti ŵalole naga ŵasindile mtima. Pambesi pakwe liŵasa lyosope lya Yakobo, kapena kuti Ayisalayeli lyasamile kwawula ku Eguputo. Yeleyi yatendekwe pali papite yaka 290 cipagwile Abulahamu.
Ayisalayeli ŵatemi yaka yine 215 ku Eguputo. Paŵagambile kuwa Yusufu, jemanjaji ŵaliji acikapolo kucilamboci. Mkupita kwa ndaŵi, Musa ŵapagwile, ni Mlungu ŵamkamulicisye masengo kulupusya Ayisalayeli ku ukapolo wa ku Eguputo. Mbali JAŴILIJI jikutagulila yayatendekwe mu yaka 857.
MU MBALI AJI
NGANI 12
Ŵandu Akutaŵa Sanja Jekulungwa
Mlungu nganasangalala, mwamti cilango caŵapele cikwakwaya ŵandu mpaka lelo.
NGANI 13
Abulahamu Mjakwe jwa Mlungu
Ana ligongo cici Abulahamu ŵalesile umi wambone wakumangwakwe ni kutamaga m’matenti kwa umi wakwe wosope?
NGANI 14
Mlungu Akulinga Cikulupi ca Abulahamu
Ligongo cici Mlungu ŵamsalile Abulahamu kuti ampelece Isaki mpela mbopesi?
NGANI 15
Ŵamkwakwe Loti Ŵalolite Munyuma
Yaŵatesile ŵamkwakwe ŵa Loti mpaka yitujanye lijiganyo lyakusosekwa mnope.
NGANI 16
Isaki Akupata Jwamkongwe Jwambone
Ana cici cacamtendekasisye Labeka kuŵa jwamkongwe jwambone? Ana kaliji kawonece kakwe kapena paliji cine?
NGANI 17
Ŵanace Ŵamaŵila Ŵaŵaliji Ŵakulekangana
Isaki ŵamnonyelaga mnope Esawu, nambo Labeka ŵamnonyelaga mnope Yakobo.
NGANI 18
Yakobo Akwawula ku Halani
Yakobo akumlomba kaje Leya, atamose kuti ŵanonyelanaga ni Lakelo.
NGANI 19
Yakobo Akwete Liŵasa Lyekulungwa
Ana ngosyo 12 sya Ayisalayeli ŵasipele lina pakujigalila ŵanace 12 ŵa Yakobo?
NGANI 21
Acakulugwe Yusufu Akum’ŵenga
Ana cici campaka catendekasye ŵane mwa jemanjaji kusaka kum’wulaga m’bale gwawo?
NGANI 22
Yusufu Akum’ŵika M’nyumba ja Ukayidi
Jwalakwe akumŵika m’nyumba ja ukayidi ngaŵa ligongo lyakasa malamusi, nambo ligongo lyakutenda yakuŵajilwa.
NGANI 23
Sagamisi sya Falawo
Pana kulandana kwine pasikati pa ng’ombe msano ni siŵili ni masace msano ni gaŵili ga tiligu.
NGANI 24
Yusufu Akwalinga Acakulugwe
Ana mpaka tumanyilile camtuli kuti acakulugwe Yusufu acenjile ndamo syawo kutyocela pandaŵi jaŵamsumisye Yusufu mpela kapolo?
NGANI 25
Liŵasa Likusamila ku Eguputo
Ana ligongo cici ŵamwiŵasa lya Yakobo akusakolanjidwa Ayisalayeli ngaŵaga Ayakobo?
NGANI 26
Yobu Akuŵa Jwakulupicika kwa Mlungu
Cipanje cosope ca Yobu cajonasice, jwalwasile, soni ŵanace ŵakwe wosope ŵajasice. Ana kapena Mlungu ŵampaga cilango
NGANI 27
Mwenye Jwakusakala Akulamulila Eguputo
Ana ligongo cici jwalakwe akwasalila ŵandu ŵakwe kuti awulaje ŵanace ŵacalume ŵa Ayisalayeli?
NGANI 28
Muŵakulupucile Musa Ali Likandi
Mamagwe Musa akupata litala lyakumkulupucisya mwanace jwawo pa lilamusi lyakuti ŵanace wosope ŵa Ayisalayeli awulajidwe.
NGANI 29
Ligongo Lyakwe Musa Ŵatisile
Musa jwayiwonaga kuti jwaliji jwakoseka kwakulupusya Ayisalayeli paŵaliji ni yaka 40, nambo nganiyiŵa m’yoyo
NGANI 30
Liwukutu Likolela Moto
Pakamulicisya masengo yakusimonjesya yakulekanganalekangana, Mlungu akumsalila Musa kuti ndaŵi jikwanile jakuti ŵalongolele Ayisalayeli kopoka mu Eguputo.
NGANI 31
Musa ni Aloni Akuwonegana ni Falao
Ana ligongo cici Falao ngakumpikanila Musa ni kwagopola Ayisalayeli?
NGANI 32
Milili 10
Mlungu ŵayikacisye yipwetesi Aeguputo ligongo jwakulamulila jwawo jwakanile kwakunda Ayisalayeli kwawula kumangwawo.
NGANI 33
Komboka Nyasa Jecejewu
Kupitila m’macili ga Mlungu, Musa akugaŵanya Nyasa Jecejewu, ni Ayisalayeli akomboka pamalo gejumu.