Abahüdaguni 11

Furumiñetu heremuru

SUBUDITI san bun ka lan furumiñeti katei ladügübei Noé dan le láfuridunbei tídangiñe árüka hau lufamilia? Aba ladügün aban adagaragüdǘni o idewesei lun Bungiu. Arihabei adügei lidan dibuhu le. Dagagüdati Noé animaalugu keisi aban idewesei lun líchugun seremei lun Bungiu luagu lasalbaruni lídangiñe óunwenbu gunran hau lufamilia.

Afiñetibu san gunda lan Heowá lau idewesei le? Anha, gúndaati lau. Ligía füramase lubéi lun Noé maweiyasundigiaali lan agumuchaguagüdei ubóu lau aban gunran.

Murusun dan lárigiñe aba lamabeidun sun múa, ábati lagumeserun Noé hama lufamilia aban iseri ibagari bóugudi tuéi árüka. Biní lumutiñu Bungiu aba lariñagun houn: ‘Mosu gibe hamá hirahüñü. Mosu hagibedun darí lun ñein hamá gürigia awinwanda lidan sun Ubóu.’

Ani lárigiñe, danme le haganbun gürigia luagu óunwenbu gunran, gayarabei hanufudedun luéiya lasuseredun aban gunran libe le suserelibei. Ligía líchugunbei Bungiu aban katei lun haritaguni gürigia lani füramasei luagu maweiyasundigiaali lan abuluchagüdei Ubóu lau duna. Subuditi san bun ka lan meha líchugubei lun haritaguni füramasei le? Aban heremuru.

Gíbeti wéiyaasu tarihín heremuru sielu dan le ladurangun Weyu lárigiñe aban huya. Gayarati gibe lan koloru buíduburiti tuagu heremuru. Ariha ñahaadibu san aban? Ariha bumutu to lidanboun dibuhu?

Nihán meha le lariñagubei Bungiu: ‘Füramasetina maweiyasundigiaali lan aban gunran agumuchaguagüdaña sun gürigia hama animaalugu. Níchuguñoun nani heremuru dúerirugu. Danme le tachülaagun heremuru, narihuboun ábame naritaguni füramasei le nadügübei.’

Ligíati, danme le barihin aban heremuru, ka lunbei baritaguni? Aayé, lani Bungiu füramasei luagu maweiyasundigiaali lan agumuchaguagüdei ubóu lau aban óunwenbu gunran.

Agumesehani 8:18-22; 9:9-17.