Gari Okokele Ri
A’DIKO 11
Gari Okokele Ri
MI NI afa ndra Noani ’ye oko erini efuzu ’ba ivile akua ’diyi pie engazu maburu ma alea risi ’bo ria ri ra ya? Ede ndra edeta evezaru kaniku afa feza Mungu dri. Mi eco eri ne i’da vaaleru ’di ma alea ra. Noa fe ndra anyapa ’diyi Munguni awa’difo fezu erini ’ba ivile akua ’diyi opazu engazu yi tiza ambori ma alea risi.
Mi ega Yehovani ndra ayikosi feta ’disi ya? Ee, eri ndra ayikosi. Ani nga ndra oyo so Noani kini ’i ngani wudrikuru ma dri ja yi tizasi dika ku.
Sawa were ma vutia, yi nzu ndra nyaku ma dria risi dria ra, ani Noa pi e’doki ndra idri o’di ni ’ba ivile akua ’diyi pie eyini efuzu maburu ma alea risi amve ’bo ria. Mungu fe ndra eyini asi ndiriza azini ’yo eyini: ‘Le emi ma tiki anzi kakau. Le emi ma kalafe ma izu kpere ’ba ni ecozu o’azu nyaku ma dria dria.’
Te ’da ma vutia, ’ba kaki ndra emu e’yo eri yi tiza ambori ma dria, azinisi eco ndra eca orisi kini yi tiza ’daleri nga ’i ’ye dika ’dini. Ani Mungu fe ndra afa azi ’ba, yi egazu oyo soza inisi kini ’i ngani wudrikuru ma dri ja yi tizasi ku. Mi ni fe ndra a’du afa eyi egazu ya ri ra ya? Eri ndra gari ni.
Gari ni tutu nisi e’da etuni kazu ozoo ma vutia risi. Gari ma wura ndrizaru kakau. Mi ne eri ’bo ya? Mi ne azi i’da ’di ma alea ’di ra ya?
Mungu ’yo ndra ’dini: ‘Aso oyo kini ’ba azini anyapa dria ngakini dri ja yi tizasi dika ku. Ma gari ’ba iriti alea. Gari ka nga e’da ’bo, ma nga eri ne mani ma oyo soza ’di egazu.’
Mi ka gari ne, eri fe mi a’du e’yo ega ya? Ee, Mungu ma oyo soza kini ’i ngani wudrikuru ma dri ja yi tiza amborusi dika ku ri ega.
