EKIIKARO kimu eki abantu baagenzire kwikaramu hanyuma y’okusandaara kw’amaizi kikaba nikimanywa nka Uru. Kikaija kumanywa nk’orubuga orw’amaani orwali rurumu amaju amarungi. Kyonka abantu baali nibaramya baruhanga ab’ebisuba. Kinu nikyo kimu eki baali nibakora omu Baberi. Abantu ab’omu Uru na Baberi baali batarukusisana Nuha na mutabani we Semu, abaali bagumizemu nibaheereza Yahwe.

Hanyuma y’emyaka 350 y’okusandaara kw’amaizi kubaho, omusaija omwesigwa Nuha akafa. Hakahinguraho emyaka ebiri yonka omusaija ow’orukurora omukisisani kinu nubwo yazairwe. Akaba muntu w’omugaso muno mumaiso ga Ruhanga. Ibara lye nuwe Iburahimu. Akaba naikara mu rubuga rwa Uru hamu n’amaka ge.

Kiro kimu, Yahwe akagambira Iburahimu: ‘Ruga mu Uru oleke ab’enganda zawe otahe mu nsi eyi ndakwoleka.’ Iburahimu akahuliriza Ruhanga yaleeka oburungi bwona obwali mu Uru? Ego, akakikora. Habwokuba Iburahimu akaba nahurra Ruhanga, nikyo ekyo yaizire kumanywa nk’omunywani wa Ruhanga.

Abamu ha b’enganda za Iburahimu bakagenda nawe obu yarugire omu Uru. Ise, Teera akagenda nawe hamu n’omwihwa we Loti. Tutweberwe ngu na Sara mukazi wa Iburahimu nawe akagenda. Hanyuma bakahika mukiikaro ekirukwetwa Harani, Teera ha yaferire. Bakaba bali hara muno na Uru.

Hanyuma yakacu, Iburahimu n’abomu nju ye bakaruga Harani bahika omu nsi erikwetwa Kanani. Hanu Yahwe akamugamba: ‘Ensi enu niyo ndiha abaijukuru bawe.’ Iburahimu akaikara omu Kanani naraara omu hema.

Ruhanga akatandika kukonyera Iburahimu muno, nukwo yatunga ebisibo by’entaama hamu n’eby’ebisoro ebindi, hamu n’abairu baingi muno. Kyonka Iburahimu na Sara bakaba bataine mwana wabo habwabo.

Iburahimu obu yahikize emyaka 99, Yahwe akamugambira ati: ‘Dora ekiragano kyange kiri naiwe kandi oliba ise w’amahanga maingi.’ Kinu kyakusobokere kita obu Iburahimu na Sara bakaba bakuzire muno batarukusobora n’okuzara omwana?