LOT xuqujeʼ rukʼ ri ufamilia, junam e kʼo ojer rukʼ ri Abrahán pa Ulew Canaán. Xopan jun qʼij che ri Abrahán xubʼij che ri Lot: ‹Waral kʼot kʼi täq Ulew rech ronojel ri täq qachikop (qawäj). Chqajacha qibʼ, chabʼana utzil. We at katbʼe jelaʼ in kinbʼe jewaʼ›.

Ri Lot xril ri uwäch Ulew. Xril jun utzalaj chʼaqap Ulew rech ri tinamit che kʼo jaʼ xuqujeʼ kʼo utzalaj qʼayes kech ri täq uchikop. Are ri Ulew ubʼiʼ Jordán. Rumal laʼ, ri Lot rukʼ ri ufamilia xebʼek xuqujeʼ xkekʼam bʼi täq uchikop. Kʼisbʼal re xkebʼan täq kichoch pa ri tinamit Sodoma.

Ri winaq rech Sodoma sibʼalaj e itzel. Wariʼ utz ta xril ri Lot, rumal che areʼ jun utzalaj achi. Ri Ajawaxel xuqujeʼ petinäq riwal chikij. Tekʼuriʼ, ri Ajawaxel xeʼutaq bʼi kebʼ ángeles che ubʼixik che ri Lot che kusach uwäch ri tinamit Sodoma xuqujeʼ ri tinamit kʼo che unaqaj che ubʼiʼ Gomorra, rumal che e itzel täq winaq e kʼo chilaʼ.

Ri täq ángeles xkebʼij che ri Lot: ‹¡Chanim! ¡Chakʼama bʼi ri awixoqil xuqujeʼ ri kebʼ amiʼal tekʼuriʼ chatel bʼi waral!› Ri Lot rukʼ ri ufamilia xkekuwij täj o kechubʼij täj, rumal laʼ ri ángeles xkechap che kiqʼabʼ tekʼuriʼ xekesaj bʼi chuwäch ri tinamit. Tekʼuriʼ jun chike ri ángeles xubʼij: ‹¡Chixel bʼi panim rech kixkam täj! Xaq mixkaʼy chiwij. Jix chanim pa ri täq juyubʼ o jibʼ, rech kixkäm täj›.

Ri Lot rukʼ täq umiʼal xketa ri tzij tekʼuriʼ xeʼel bʼi pa Sodoma. Xetakʼeʼ täj, xuqujeʼ xekaʼy ta chikij. Tekʼuriʼ rixoqil ri Lot xniman täj. Chiʼ naj chik e kʼo wi che Sodoma, xtakʼeʼik xuqujeʼ xkaʼy chirij. Tekʼuriʼ rixoqil ri Lot xubʼan jun abʼaj rech atzʼam. Chawila wariʼ pa ri wachbʼäl.

Puwiʼ wariʼ kqetaʼmaj che: ri Ajawaxel keʼukʼol chin kkenimaj, tekʼuriʼ jachin kkenimaj täj, kekamik.