HETA mipa naupang pahnihte hi an inang lo ngawt lawm ni? An hming i hria em? Sa pel mi hi Esaua a ni a, beram veng naupang hi Jakoba a ni.

Esaua leh Jakoba chu Isaka leh Rebeki fa phir an ni. Esaua chu sa pel thiam a ni a, an chhungkaw ei turin inah ei tur a rawn hawn thin vangin a pa Isaka chuan a hmangaih em em a. Mahse Rebeki chuan Jakoba chu, a ngawichawi leh zaidam vangin a hmangaih ber a.

An pu Abrahama chu a la dam a, Jehova chanchin a sawi Jakoban a ngaihthlak duhzia kan ngaihruat thei. Phirte chu kum 15 an nihin Abrahama chu kum 175-a upain a thi a.

Esaua chu kum 40 a nihin Kanaan rama mi hmeichhe pahnih nupuiah a nei a. Chung hmeichhiate chuan Jehova an biak loh vangin, chu chuan lsaka leh Rebeki a tilungngai em em mai a.

Ni khat chu, a unaupa Jakoba chunga a thinrim em emna tur thil engemaw a lo awm a. Isakan a fapa upa zawk hnena malsawmna a pek hun a lo thleng ta. Esaua chu Jakoba aia a upat zawk vangin chu malsawmna chu Esaua chuan dawn a inring a. Mahse a hmain Esaua chuan malsawm dawn theihna chu Jakoba hnenah a hralh tawh a. Tin, naupang pahnihte chu an pian lai pawhin Pathianin Jakoban malsawmna a dawng ang a lo ti tawh bawk a. Tichuan hei hi a lo ni ta a ni. Isakan a fapa Jakoba hnenah malsawmna a pe ta.

A hnuah chu chu Esauan a hriatin Jakoba chungah a thimrim a. A thinrirn khawp a, Jakoba tihhlurn hial a duh a. Rebekin chu chu a hriatin a lungkharn em ern a. Tichuan a pasal Isaka a hrilh a: ‘Jakoban heng Kanaan hrneichhiate hi nupuia a neih ve chuan a rapthlak dawn ern mai,’ tiin.

Chu veleh Isakan a fapa Jakoba a ko va: ‘Kanaan-a mi hmeichhia nupuiah nei suh. Harana i pu Bethuela inah kal zawk la. A fapa Labana fanute zinga pakhat nupuiah nei rawh,’ tiin a hril a.

Jakoban a pa thu a ngaithla a, a laichinta awrnna Haran-ah, khual zinna hla takah a kal ta nghal a.