KURI Yaaqoobi ledo hasaabbanni noori ayeeootiro afootto? Yaaqoobi lowo barri doogo haˈri gedensaanni konni manni ledo buichchote mule xaadi. Kuni manni gereewo allaaˈlanni no. Yaaqoobi, ‘Hiikkiinni dagginoonni?’ yee xaˈminsa.

Insano, ‘Kaaraaninni dangoommo’ yitu.

Yaaqoobino, ‘Laaba egentinoonni?’ yee xaˈminsa.

‘Ee egenninoommo; kuneeti beettosi Raaheeli gereewosi haadhe dagganni no’ yite qoltu. Xeertidhe dagganni nooti Raaheeli leeltannohe?

Yaaqoobi, Raaheeli abbisi gereewo haadhe dagganna laiti, gereewu waa aganno gede mare buichchote aaninni kincho gongoˈmishi. Hakkunni gedensaanni Raaheeli sunqe, fiixoomasi kulise. Iseno lowo geeshsha hagiidhite, minira hadhe annise Laabara kultu.

Laaba Yaaqoobi ledosi heeˈrara baxi. Qoleno Yaaqoobi Raaheeli adhara xaˈmirita, Laaba hagiidhi. Ikkollana, Yaaqoobi Raaheeli adhate lamala diro soqqamannosi gede xaˈmisi. Yaaqoobi Raaheeli lowo geeshsha baxino daafira Laabara soqqami. Kayinni adhanno yanna iillituta mayi kalaqaminoro afootto?

Laaba Yaaqoobira, Raaheeli agure bayira beettosi Liya uyisi. Yaaqoobi lede lamala diro soqqamate maahoyye yiita, Laaba Raaheelino uyisi. Hatte yannara Maganu, mannu mitte galte sae adhanno gede fajjino. Xa kayinni mittu manchi mitte galte calla adha hasiissannosita Qullaawu Maxaafi xawisanno.