Dina llakiyman urman
20 yachachiy
Dina llakiyman urman
¿RIKUNKICHU pikunatachus Dina watukuchkan? Canaanmanta warmikunawan masichakuchkan. ¿Kayta ruwaspa Jacob tatanta kusichinmanchu karqa? Kay tapuyman kutichinapaqqa, imaynatachus Abraham, Isaac ima, Canaán warmikunata qhawasqankuta yuyarina.
¿Abraham churin Isaac Canaanmanta warmiwan casarakunanta munarqachu? Mana. ¿Isaac Rebecawan, churin Jacob Canaanmanta warmiwan casarakunanta munarqankuchu? Manallataq. ¿Imaraykutaq?
Canaanmanta runaqa lantista yupaychaq kanku, mana qusapaq, warmipaq kʼacha runachu karqanku, nitaq masichakunapaqpis. Chayrayku Jacobqa mana ususin Dina chay runakunawan purinanta munarqachu.
Dina phutiyman urmarqa. ¿Dibujitupi, Dinata qhawarichkaq runata rikunkichu? Sichem sutikun. Juk pʼunchayqa Dina paykunata waturikuq rirqa, chaypitaq Sichem Dinata kallparpaspa mana munachkaptin paywan puñuykun. Kayqa mana allinchu karqa, imaraykuchus casarasqaslla khuska puñunanku tiyan. Kay Sichem ruwasqanqa may phutiykunaman aparqa.
Dinap turankuna chayta uyarispa mayta phiñakurqanku, Simeón Leviwan phiñakuspa pakayllamamanta espadankuwan llaqtaman yaykuytawan, Sichemta wak qharikunatawan wañuchirmurqanku. Kay saqra ruwayqa Jacob tatanta mayta phiñachirqa.
¿Imaynamanta kay llakiy qallarirqari? Dina mana Diosta kasukuqkunawan tantakusqanrayku. Ñuqanchikpis mana Diosta kasuqkunawanqa mana tantakusunchu ¿ichari?
