ADKINTUFINGE tati adentun. Kiñekentu pengeli kiñe fütra weda dungu Jewba wülkey ta Egipto mu. Ti wünen, pefimi Aaron küpafnakümfi ñi retrü mu ti Nilo lewfü. Feymew chi lewfü mollfüñuwi. Ka lay ti pu challwa, feymu lle fewla kom tati lewfü weda nümüley.

Fey wüla, Jewba tripalelfi pu llüngki (pakarwa) Nilo lewfü mu. Mülerkeyngün pu rono, patia, ngütantu, fill püle mu. Lalu pu llüngki, tati pu Egipto che wirkokünuy engün, ka chi mapu nümüy.

Feymew Aaron küpafnakümfi ñi retrü ti trufür mapu mew, ka riri reke künuwi, pichike pülü reke ünaturkey. Tüfachi ti küla fütra weda dungu ngefuy.

Kake fütra wedake dungu üñfituleyngün ti pu Egipto che müten, tati Israel che no. Ti meli fütrake pülü ngefuy, konpuy engün kom pu Egipto che ñi ruka. Ti kechu fütra weda dungu allfülfi kom pu kulliñ. Rume fentren pu waka, pu ufisa, ka pu kapüra nielu pu Egipto che, layngün.

Fey wüla Moyse ka Aaron ütrüfpürayngu runa trufken kütralwe, fey allfülfi tati pu che ka pu kulliñ. Tüfachi kayu fütra weda dungu ngefuy.

Fey wüla tüfa Moyse witrapüray ñi kuwü wenu mu, ka Jewba küpali tralkan ka pire (tranko). Tüfachi pire chumkawnorume mülekelafuy Egipto mu.

Ti pura fütra weda dungu, fey ta fütra llamllamküley chori mew. Chumkawnorume niekelafuy, ka rupachi antü mu niekelay fentren chori. Ifingün kom apümnoel pire.

Tati aylla fütra weda dungu feyta dumiñ. Küla antü mu müley kiñe rume dumiñ takuy kom feychi mapu, welu ti Israel che niey pelomtun chew ñi mülen engün.

Af mew, Ngünechen feypifi ñi pu che wallon rulpay ñi wülngiñ ñi ruka, kiñe pichi kapüra mollfüñ mew, kam pichi ufisa mew. Feymew Ngünechen ñi werken püllü rulpay kom Egipto mapu mew. Ti werken küme püllü pefilu chi mollfüñ, langümlay iney no rume mülelu feychi ruka mew. Welu penolu ti mollfüñ, langümi ti wünenke fotüm, wentru ka kulliñ rume. Fey ta mari fütra weda dungu.

Rupalu tüfachi fütra weda dungu, Faraon feypifi pu Israel che: ‘Tripamün tüfa mew.’ Ngünechen ñi pu che dew pepikawküley engün ñi tripayal, ka feychi pun mu llituy ñi amutual engün Egipto mew.