TLAPOUALISTLI 32

Majtlaktli chauistli

XIKINMITA tlaixkopinalmej. Sejse tlaixkopinal kiteititia sejse chauistli tlen Jehová okititlanki ipan Egipto. Itech achto tlaixkopinal tikita Aarón kiuiteki aueyatl Nilo ika ikuauitl. Ijkuakon, aueyatl mokuepa estli, uan michimej tlen katej itech aueyatl mikij, uan axkan aueyatl peua potoni.

Satepan, Jehová okichi ma kisakan kalamej itech aueyatl Nilo. Okatkaj ijtik hornos, ijtik xoktsimej, itech intlapech, san kanin okatkaj. Ijkuak kalamej omikej, egipcios okinmololojkej, uan itech nochi ueyi altepetl otlapotonia.

Ijkuakon, Aarón okiuitek tlali ika ikuauitl uan tlali omochi jejenes, sayolijtsitsintin tlen patlanij uan tetsopitiaj. Nin okatka chauistli eyi tlen omochi itech Egipto.

Oksekimej chauistli san okintlajyouiltijkej egipcios, uan amo israelitas. Chauistli naui okatka uejueyi sayolimej tlen okalakej itech nochtin inkaluan egipcios. Chauistli makuili okintlajyouilti yolkamej. Miakej vacas, ichkamej uan tentsomej tlen inmiaxka egipcios omikej.

Satepan, Moisés uan Aarón okitlamotlakej tlekonextli itech ejekatl, uan nin okichi tlaltikpaktlakamej uan yolkamej ma kipiakan sauamej. Nin okatka chauistli chikuase.

Satepan opanok non, Moisés okiajkokuik ima ik iluikak, uan Jehová okichi ma tlatekuini uan ma uetsi tesiuitl. Amo keman omoitaya itech Egipto ijkon ma uetsi tesiuitl.

Itech chauistli chikueyi okatka miakej chapulimej. Amo keman omoitaya miakej chapulimej. Okikuajkej nochi tlen tesiuitl amo okijtlako.

Ijkuak opanok chauistli chiknaui otlayoak. Itech eyi tonal otlayoak miak itech nochi altepetl, maski ijkon, kanin okatkaj israelitas amo otlayoak.

Saiktlami, toTajtsin Dios okinmilui israelitas ma kichapanilikan kuauitl kanin tlakitskijtok inkaltlatsakuil ika ieso se ichkatsin noso se tentsotsin. Ijkuakon, iángel Jehová opanok ipan Egipto. Ijkuak ángel okitaya estli, amo akaj okimiktiaya itech non kali. Maski ijkon, ijkuak amo okitaya estli itech se kali, okimiktiaya tlayekankonetl itech tlakamej uan itech yolkamej. Nin opanok itech chauistli majtlaktli.

Satepan opanok nin chauistli, Faraón okinmilui israelitas ma kisakan, uan ken yejuan omoyektlalijkej, san niman ipan non yoak okiskej itech Egipto.

Éxodo 7 a 12.