DEEL 3
Van die verlossing uit Egipte tot Israel se eerste koning
Moses het die Israeliete uit gevangenskap in Egipte na die berg Sinai gelei, waar God sy wette vir hulle gegee het. Later het Moses 12 mans gestuur om die land Kanaän te verken. Maar 10 van hulle het met ’n slegte verslag teruggekom. Hulle het gemaak dat die mense na Egipte toe wou teruggaan. Weens hulle gebrek aan geloof het God die Israeliete gestraf deur hulle 40 jaar lank in die wildernis te laat rondtrek.
Later is Josua gekies om die Israeliete in die land Kanaän in te lei. Om hulle te help om die land oor te neem, het Jehovah wonderwerke laat gebeur. Hy het die Jordaanrivier laat ophou vloei, die mure van Jerigo laat inmekaarval en die son ’n hele dag laat stilstaan. Ná ses jaar is die land van die Kanaäniete afgeneem.
Van die tyd van Josua af het rigters 356 jaar lank oor Israel regeer. Ons leer van baie van hulle, soos Barak, Gideon, Jefta, Simson en Samuel. Ons lees ook van vroue soos Ragab, Debora, Jael, Rut, Naomi en Delila. DEEL 3 dek altesaam 396 jaar van die geskiedenis.
IN HIERDIE GEDEELTE
VERHAAL 38
Die 12 spioene
Tien van die spioene sê een ding, maar twee van hulle sê iets anders. Vir wie glo die Israeliete?
VERHAAL 39
Aäron se staf kry blomme
Hoe kon daar oornag blomme en ryp vrugte uit ’n stuk dooie hout groei?
VERHAAL 40
Moses slaan die rots
Toe Moses die rots slaan, het daar wel water uitgekom, maar hy het Jehovah kwaad gemaak.
VERHAAL 48
Die wyse Gibeoniete
Hulle bedrieg Josua en die Israeliete om ’n belofte te maak, maar die Israeliete hou hulle belofte.
VERHAAL 49
Die son staan stil
Jehovah doen iets vir Josua wat hy nog nooit voorheen gedoen het en ook nooit weer gedoen het nie.
VERHAAL 52
Gideon en sy 300 manne
God het hierdie klein leër met behulp van ’n ongewone toets gekies.
VERHAAL 55
’n Seuntjie dien God
God gebruik jong Samuel om ’n snydende boodskap aan die Hoëpriester Eli oor te dra.
