CHIHANDA 3
Chize ha Utuswilo mu Engitu ndo hali Mwanangana Mutangu wa Izalele
Mose yasongwela A-Izalele ha kutuhuka mu undungo mu Engitu ndo ku Mulundu wa Sinai, kuzekwene kwe Zambi ehele shimbi jenyi. Kulutwe lia matangwa, Mose yatuma 12 a malunga hanga atale chifuchi cha Kanana. Alioze 10 a kuli ayo yafuna ni lusango mupi. Chino chinakanyongesa atu hanga afune ku Engitu. Ha kuhona ufulielo, Zambi yecha A-Izalele hanga amone lamba ha kweendesa mu unji wa 40 a miaka mu puya.
Mba hi, yasakula Yoshua asongwele A-Izalele hanga anjile mu chifuchi cha Kanana. Yehova yalinga yikomokeso hanga amukwase kutambula chifuchi. Iye yamanyisa meya a Lwiji Yordau, yapuzula yipanga ya Yeriku, nawa yamanyisa mwalwa ha tangwa lieswe lia muwundu. Yikupalika miaka yisambano, mba yijitambula chifuchi kuli A-Kanana.
Kuputukila kuli Yoshua, A-Izalele kanakaayula ha 356 a miaka kuli akwa kuyula. Yetwe mutulilongesa amwe akuli ayo ngwe, Mbarake, Ngideone, Jefeta, Samasone, ni Samuele. Mututanga nawa hakutwala kuli mapwo ngwe Rahape, Debola, Jaele, Rute, Noemi, ni Ndelila. Mu Chihanda CHAMUCHITATU muli yishima yize yinakalinga 396 a miaka.
HA CHINO CHIHANDA
CHISHIMA 38
Ngendeshi 12
Ngendeshi kumi yeneha lusango walisa ni wa ngendeshi aali. Mba aya A-Izalele mafuliela?
CHISHIMA 43
Yoshua Hapwa Kasongwelo
Mose te uchili ni tachi jinji mu mujimba, mba mumu liaka amusalakanyine kuli Yoshua?
CHISHIMA 44
Rahape Yasweka Ngendeshi
Kuchi Rahape akwashile malunga wano aali, chikwo nawa, yika iye echile?
CHISHIMA 45
Kanazauka Lwiji Yordau
Chimwe chikomokeso yichilingiwa muze a-sasendote hanjila mu meya.
CHISHIMA 48
Akwa Mana a ku Ngibeone
Ayo kongele Yoshua ni A-Izalele hanga alinge chimwe chilakenyo, alioze A-Izalele yaalikwachilila ku chilakenyo cho.
CHISHIMA 49
Tangwa Yilimana Ki
Yehova yalingila Yoshua chimwe chuma chize te kanda alinga kama, mba keshi kachilinga nawa.
CHISHIMA 50
Mapwo Aali a Hamu
Mbarake mwe te unasongwela maswalele A-Izalele mu jita, mba mumu liaka ahalishile Jaele?
CHISHIMA 51
Rute ni Noemi
Rute yahichika akwa-zuwo lienyi hanga aye ni kutwama ni Noemi ni kulingila Yehova.
CHISHIMA 52
Ngideone ni 300 a Malunga
Zambi kasakwile malunga akehe wika hanga aye mu jita ha kulinga chimwe cheseko cha kunwa meya chize te kanda alinga kama.
CHISHIMA 53
Chilakenyo cha Jefeta
Chilakenyo chize iye alingile kuli Yehova chakwachile wika hali iye, alioze yichikwata nawa hali mwanenyi wa pwo.
CHISHIMA 55
Umwe Kanuke Kanalingila Zambi
Zambi kazachishile mukweze Samuele hanga atwale sango jikalu kuli Sasendote wa Lutwe Eli.
