PARTI 3
Delivrans an Lezip ziska premye lerwa Izrael
Moiz ti kondwir bann Izraelit depi zot delivrans an Lezip ziska Montanny Sinai, kot Bondye ti donn zot son bann lalwa. Plitar, Moiz ti anvoy 12 zonm pour espyonn Kanaan. Me 10 parmi zot ti retournen avek en move rapor. Zot ti fer bann dimoun anvi retourn Lezip. Akoz zot ti mank lafwa, Bondye ti pini bann Izraelit par fer zot marse dan dezer pour 40 an.
Finalman, Zozye ti ganny swazir pour kondwir bann Izraelit an Kanaan. Pour ed zot pour pran sa pei, Zeova ti fer serten mirak. I ti fer Larivyer Zourden aret koule, bann miray Zeriko ti tonbe, e soley pa ti bouze pour en lazournen antye. Apre 6 an, sa pei ti ganny pran avek bann Kananeen.
An konmansan avek Zozye, Izrael ti ganny gouvernen par bann ziz pour 356 lannen. Nou pou aprann lo plizyer parmi zot, enkli Barak, Gideonn, Yefte, Sanmson ek Samyel. Nou pou osi aprann lo bann madanm tel konman Raab, Debora, Zael, Rit, Naomi ek Dalila. Dan sa trwazyenm parti nou pou vwar listwar pour 396 lannen.
DAN SA SEKSYON
ZISTWAR 38
Sa douz espyon
Dis sa bann espyon i dir en keksoz me de lezot pa dir parey, lekel zot pou krwar?
ZISTWAR 39
Baton Aaron ti pous bann fler
Ki mannyer fler ek fri i kapab pouse lo en baton dibwa sek?
ZISTWAR 48
Bann Gibeonnit ti malen
Zot ti trik Zozye ek bann Izraelit par fer zot fer en promes me bann Izraelit ti gard zot promes.
ZISTWAR 50
De madanm brav
Barak i anmenn bann larme Izraelit dan lager alor akoz Yael i ganny laglwar?
ZISTWAR 52
Gideonn ek son 300 zonm
Bondye ti swazir bann ki ti pour dan sa pti larme par fer zot bwar delo.
ZISTWAR 55
En pti garson ti servi Bondye
Bondye ti servi Samyel pour delivre en mesaz serye avek Gran Pret Eli.
