AKPA 3
Ðeɖe Tso Egipte Va Se Ðe Israel Fia Gbãtɔ Dzi
Mose kplɔ Israel-viwo tso aboyo me le Egipte va ɖo Sinai-to gbɔ, afisi Mawu na eƒe sewo woamawo le. Emegbe la, Mose dɔ ŋutsu 12 be woayi aɖatsa ŋku le Kanaan-nyigba la dzi. Gake wo dometɔ 10 trɔ gbɔ kple nyatakaka vɔ̃. Wona be ameawo di be yewoatrɔ ayi Egipte. Xɔse, si menɔ wo si o ta la, Mawu he to na Israel-viwo; be wòna wotsa le gbeadzi hena ƒe 40.
Mlɔeba la, wotia Yosua be wòakplɔ Israel-viwo ayi Kanaan-nyigba dzie. Yehowa wɔ nukunuwo be wòakpe ɖe wo ŋu woaxɔ anyigba la. Ena be Yordan-tɔsisi la dzudzɔ sisi, Yerixo-gliawo mu dze anyi, eye ɣe la tɔ ɖe teƒe ɖeka hena ŋkeke blibo. Le ƒe ade megbe la, woxɔ anyigba la le Kanaantɔwo si.
Tso Yosua dzi la, ʋɔnudrɔ̃lawo ɖu Israel dzi hena ƒe 356. Míasrɔ̃ nu tso wo dometɔ geɖe, siwo nye Barak, Gideon, Yefta, Simson kple Samuel ŋu. Míagaxlẽ nu tso nyɔnu aɖewo abe Raxab, Debora, Yael, Rut, Naomi kple Delila ene ŋu. Le yi katã me la, Akpa ETƆ̃LIA kpe ƒe 396 ƒe ŋutinya ɖo.
LE AKPA SIA
ŊUTINYA 38 LIA
Ŋkutsala 12 La
Ŋkutsalawo dometɔ ewo gblɔ nya ɖeka, gake wo dometɔ eve gblɔ nya bubu. Akpa ka dzie Israel-viwo anɔ?
ŊUTINYA 39 LIA
Aron Ƒe Atikplɔ Ƒo Se
Aleke wòate ŋu adzɔe be ati ƒuƒu si ku la naƒo se ahatse ku ɖiɖiwo le zã ɖeka ko me?
ŊUTINYA 44 LIA
Rahab Ɣla Ŋkutsalawo
Aleke Rahab kpe ɖe ŋutsu eveawo ŋui, eye aleke wòbia be woave ye nui?
ŊUTINYA 48 LIA
Gibeontɔ Nunyalawo
Woble Yosua kple Israel-viwo ale be wobla nu kpli wo, gake Israel-viwo wɔ nubablaa dzi.
ŊUTINYA 49 LIA
Ɣe Tɔ Ðe Teƒe Ðeka
Yehowa wɔ nane na Yosua si mewɔ kpɔ o, eye tso ɣemaɣi la, megawɔe kpɔ o.
ŊUTINYA 50 LIA
Nyɔnu Kalẽtɔ Eve
Barak ye xɔ ŋgɔ na Israel-ʋakɔa le aʋa la me, ke nu ka tae wotsɔ bubua na Yael?
ŊUTINYA 52 LIA
Gideon Kple Eƒe Ame 300 La
Mawu to tsinono ƒe dodokpɔ tɔxɛ aɖe dzi tia ame siwo va nye asrafoha sue sia me tɔwo.
ŊUTINYA 55 LIA
Ŋutsuvi Sue Aɖe Subɔ Mawu
Mawu to Samuel ɖevi la dzi gblɔ gbedeasi sesẽ aɖe na Nunɔlagã Eli.
