PÁRTE 3
Egíptogui oñesẽ guive primer rréi de Israel peve
Moisés ogueraha umi isrraelítape oikohágui esklavóicha Egíptope, pe mónte Sinaí peve. Upépe Ñandejára omeʼẽ chupekuéra iléi. Upe rire, Moisés omondo 12 kuimbaʼe ohecha hag̃ua ñemihápe Canaán yvy. Péro 10 ogueru peteĩ infórme ivaíva. Upévare umi hénte ohose jey Egíptope. Ndoguerekoihaguére fe, Ñandejára okastiga umi isrraelítape, ha oheja oguata rei hikuái 40 áño pe desiértore.
Upéi, ojeporavo Josuépe omoinge hag̃ua Canaánpe umi isrraelítape. Jehová oipytyvõ chupekuéra ojagarra hag̃ua pe tetã, ojapóvo heta milágro. Ojoko pe rrío Jordán, oitypa umi murálla oguerekóva Jericó, ha omombyta pe Kuarahy peteĩ día pukukue. Seis áño rire, ojepeʼapa umi kananéogui pe yvy.
Josué oñepyrũ ogoverna Israélpe, ha upéi umi ótro hués osegi ogoverna 356 áño aja. Ñaaprende heta hueskuéragui. Umíva apytépe oĩ Barac, Gedeón, Jefté, Sansón ha Samuel. Jalee avei Rahab, Débora, Jael, Rut, Noemí ha Dalila rehegua. Ko Párte TRES omombeʼu umi mbaʼe oikovaʼekue 396 áñope.
KO PÁRTEPE
ISTÓRIA 34
Peteĩ tembiʼu pyahu
Ñandejára omeʼẽ umi isrraelítape peteĩ tembiʼu hoʼáva chupekuéra yvágagui.
ISTÓRIA 35
Jehová omeʼẽ iléi
Oĩ mokõi léi iñimportanteve jeýva umi 10 mandamiéntogui, ¿mávapa hína umíva?
ISTÓRIA 37
Peteĩ óga oñemeʼẽ hag̃ua adorasión
Pe koty oĩva fondoitépe pe tavernákulope oñemoĩ vaʼekue pe árka del pákto.
ISTÓRIA 38
Umi 12 espía
Umíva apytégui 10 heʼi peteĩ mbaʼe ha 2 heʼi ótra kósa. ¿Mávapepa oguerovia raʼe umi isrraelíta?
ISTÓRIA 39
Pe yvyra oguerekóva Aarón ipoty
¿Mbaʼéicha rupípa peteĩ yvyra ipirúma vaʼekue ipoty ha hiʼa peteĩ pyharépente?
ISTÓRIA 41
Peteĩ mbói ojejapovaʼekue kóvregui
¿Mbaʼérepa Ñandejára omondo umi isrraelítape mbói iponsóñava oisuʼu hag̃ua chupekuéra?
ISTÓRIA 43
Josuégui oiko líder
Moisés imbarete gueteri, péro Josué opytáta hendaguépe omoakã hag̃ua umi isrraelítape. ¿Mbaʼérepa?
ISTÓRIA 44
Rahab omokañy umi espiakuérape
¿Mbaʼéichapa Rahab oipytyvõ umi espíape? ¿Ha mbaʼépa ojerure chupekuéra upe rire?
ISTÓRIA 46
Umi murálla oĩva Jericópe
¿Mbaʼérepa ndoʼái peteĩ párte pe murálla de Jericógui osaingohápe peteĩ pióla pytã?
ISTÓRIA 47
Peteĩ mondaha Israélpe
¿Ikatúpa peteĩ puévlo kompletoite oike provlémape peteĩ kuimbaʼe aña káusare?
ISTÓRIA 48
Umi gavaoníta iñarandu
Haʼekuéra ombotavy Josué ha umi isrraelítape ojapo hag̃ua hendivekuéra peteĩ kompromíso de pas, péro umi isrraelíta lomímonte okumpli ipromésa.
ISTÓRIA 50
Mokõi kuña ipyʼaguasúva
Barac omoakã Israel ehérsito, péro oñemombaʼeguasu Jaélpe pe gérra opa rire. ¿Mbaʼérepa?
ISTÓRIA 52
Gedeón ha umi 300 kuimbaʼe
¿Mbaʼépa ojapo Jehová oiporavo hag̃ua umi kuimbaʼe omoirũtavape Gedeónpe?
ISTÓRIA 53
Pe promésa Jefté ojapovaʼekue
Pe promésa haʼe ojapóva Jehovápe ndoafektái chupe añónte, síno itajýrape avei.
ISTÓRIA 55
Peteĩ mitã oservi Ñandejárape
Ñandejára ojevale Samuel rehe omeʼẽ hag̃ua peteĩ mensáhe pohýi pe saserdóte guasu Elípe.