ORUPA 3

Onguturiro okuza mu Engipte nga kombara ondenga yaIsrael

Moses wa hongorera po Ovaisrael okuza kouhuura mu Engipte nga kondundu yaSinai, poruveze Mukuru pe ve pera omatwako ye. Kombunda, Moses wa hinda ovarumendu omurongo na vevari okukakonḓonona ehi raKanaan. Nungwari 10 vawo va kotoka nombuze ombi. Owo va tjita kutja ovandu ve vange okuyaruka ku Engipte. Mena rokuhi nongambuiro kwawo, Mukuru wa vera Ovaisrael mokuvetjita kutja ve takauke oure wozombura 40 mokuti onguza.

Korusenina, Josua wa toororwa okuhongorera po Ovaisrael mehi raKanaan. Okuvevatera kutja ve kambure ehi, Jehova wa tjita ovihimise. Eye wa tjita kutja onḓonḓu yaJordan ai ha pupu, nomakuma yaJeriko ye wire pehi, neyuva kutja ri kurame oure weyuva arihe. Kombunda yozombura hamboumwe, Ovakanaan va yekwa ehi.

Okuutira pu Josua, Israel ra honaparerwa po i ovapangure oure wozombura 356. Eṱe matu rihongo ohunga notjingi tjawo, tjimuna Barak, Gideon, Jefta, Simson na Samuel. Eṱe wina matu kalesa ohunga novakazendu tjimuna Rahab, Debora, Jael, Rut, Naomi na Delila. Orupa ORUTJATATU, aruhe kumwe, rwa kamburira mo ozombura 396 zomakuruhungi.