NKEBI NKE 3
Site ná Mgbapụta n’Ijipt Ruo n’Eze Mbụ nke Izrel
Mozis si n’Ijipt, bụ́ ebe ụmụ Izrel gbara ohu, duru ụmụ Izrel ruo n’Ugwu Saịnaị, bụ́ ebe Chineke nyere ha iwu ya. E mesịa, Mozis zipụrụ ndị ikom iri na abụọ ịga ledoo ala Kenan. Ma mmadụ iri n’ime ha bu akụkọ ọjọọ lọta. Ha mere ka ụmụ Izrel chọwa ịlaghachi Ijipt. N’ihi enweghị okwukwe ha, Chineke nyere ụmụ Izrel ahụhụ site n’ime ka ha wagharịa n’ime ọzara ruo afọ iri anọ.
N’ikpeazụ, a họpụtara Jọshụa iduru ụmụ Izrel banye n’ala Kenan. Iji nyere ha aka inweta ala ahụ, Jehova rụrụ ọrụ ebube ụfọdụ. O mere ka Osimiri Jọdan kwụsị ịsọ asọ, mee ka mgbidi Jeriko daa, meekwa ka anyanwụ kwụrụ otu ebe ruo otu ụbọchị zuru ezu. Mgbe afọ isii gasịrị, a napụrụ ndị Kenan ala ahụ.
Malite na Jọshụa, ndị ikpe chịrị ụmụ Izrel narị afọ atọ na afọ iri ise na isii. Anyị ga-amụ banyere ọtụtụ n’ime ha, gụnyere Berak, Gidiọn, Jefta, Samsin, na Samuel. Anyị ga-agụkwa banyere ndị inyom dị ka Rehab, Debọra, Jel, Rut, Neomi, na Delaịla. NKEBI NKE 3 kọrọ ihe ndị mere n’ime narị afọ atọ na iri afọ itoolu na isii.
NÁ NKEBI A
AKỤKỌ NKE 36
Nwa Ehi Ọlaedo
Gịnị mere ndị mmadụ ga-eji fewe ihe a kpụrụ akpụ e ji ọla ntị a gbazere agbaze mee?
AKỤKỌ NKE 37
Ụlọ Ntu A Na-anọ Efe Ofufe
Ọ bụ n’ọnụ ụlọ nke dị n’ime ime ka e dowere igbe ọgbụgba ndụ.
AKỤKỌ NKE 38
Ndị Nledo Iri na Abụọ
Mmadụ iri ná ndị nledo iri na abụọ ahụ kwuru otu ihe, mmadụ abụọ ndị nke ọzọ ekwuo ihe ọzọ. Ònye ka ndị Izrel kweere ihe ha kwuru?
AKỤKỌ NKE 39
Okooko Osisi Epuo na Mkpanaka Erọn
Olee otú okooko osisi ga-esi puo n’osisi kpọrọ nkụ naanị n’otu abalị?
AKỤKỌ NKE 40
Mozis Etie Nkume Ihe
Mozis kụrụ mkpanaka ya na nkume, mmiri wee gbapụta, gịnịzi mere Jehova ji wee iwe.
AKỤKỌ NKE 44
Rehab Ezobe Ndị Nledo
Olee otú Rehab si nyere ụmụ nwoke abụọ aka, oleekwa ihe ọ rịọrọ ka ha meere ya?
AKỤKỌ NKE 45
Ịgafe Osimiri Jọdan
E nwere ọrụ ebube Chineke rụrụ mgbe ndị nchụàjà zọnyere ụkwụ n’Osimiri Jọdan.
AKỤKỌ NKE 48
Ndị Gibiọn Bụ́ Ndị Maara Ihe
Ha ghọgburu Jọshụa na ndị Izrel ndị ọzọ, ha ekwe ha nkwa, ma ndị Izrel mezuru nkwa ha kwere.
AKỤKỌ NKE 49
Anyanwụ Akwụrụ Otu Ebe
Jehova meere Jọshụa ihe ọ na-emetụbeghị mbụ, o mebeghịkwa ya ọzọ kemgbe ahụ.
AKỤKỌ NKE 50
Ndị Inyom Abụọ Ndị Nwere Obi Ike
Berak du ndị agha Izrel gaa agha, gịnịzi mere o ji bụrụ Jel ka e nyere otuto ya?
AKỤKỌ NKE 51
Rut na Neomi
Rut hapụrụ obodo ya na ndị ezinụlọ ya ka ya na Neomi nọrọ nakwa ka o fee Jehova.
AKỤKỌ NKE 52
Gidiọn Na Narị Ndị Ikom Atọ Ya
Chineke kwuru ụzọ dị ịtụnanya e si họrọ ìgwè ndị agha a dị ntakịrị.
AKỤKỌ NKE 55
Nwatakịrị Nke Na-ejere Chineke Ozi
Mgbe Samuel ka dị obere, Chineke si n’ọnụ ya zie Ilaị bụ́ Onyeisi Nchụàjà ozi na-agba agba ná ntị.