PASET 3
Pannakaispal Manipud Egipto Inggana ti Umuna nga Ari ti Israel
Inturong ni Moises dagiti Israelitas manipud Egipto a napan idiay Bantay Sinai, a sadiay inikkan ti Dios ida ti linlinteg. Ket, ni Moises nangibaon ti 12 a lallaki a mang-espia iti daga ti Canaan. 10 kadakuada ti nagsubli a dakes ti damagda. Inallukoyda dagiti tattao nga agsublin idiay Egipto. Gapu itoy, nagalla-alla dagiti Israelitas idiay letang ti 40 a tawtawen.
Iti kamaudiananna, napili ni Josue a mangidaulo kadagiti Israelitas nga agturong idiay daga ti Canaan. Tapno matulonganda a mangtagikua iti daga, pinataud ni Jehova dagiti milagro. Kalpasan ti innem a tawen, naalan ti daga manipud kadagiti Canaanitas.
Mangrugi ken Josue, naiturayan ti Israel iti 356 a tawtawen iti uk-ukom. Maammuantayo ti kaaduan kadakuada, agraman dadduma a matalek a babbai a nagbiag kadagiti a panawen. Iti isuamin, ti paset TRES saklawenna ti 396 a tawtawen ti historia.
ITI DAYTOY A SEKSION
ESTORIA 34
Ti Baro a Taraon
Daytoy nga espesial a makan a naggapu iti Dios ket nagtinnag manipud iti tangatang.
ESTORIA 36
Ti Balitok a Baka
Apay a nagdayaw dagiti Israelita iti maysa nga estatua a naaramid kadagiti tinunaw nga aritos?
ESTORIA 38
Ti 12 nga Espia
Agpapada ti ibagbaga ti 10 nga espia, ngem sabali ti ibagbaga ti dua. Sinno ngata ti pinati dagiti Israelita?
ESTORIA 39
Ti Baston ni Aaron Nagsabong
Kasano koma a ti awan biagna a kayo ket agsabong ken agbunga iti naluom a prutas iti laeng agpatnag?
ESTORIA 40
Pinang-or ni Moises ti Bato
Rimmuar nga agpayso ti danum manipud iti bato a pinang-or ni Moises, ngem napagpungtotna met ni Jehova a Dios.
ESTORIA 41
Ti Uleg a Suer
Apay a nangibaon ti Dios kadagiti nagita nga uleg a mangkagat dagiti Israelita?
ESTORIA 43
Ni Josue Nagbalin a Lider
Napigsa pay ni Moises, ngem apay ngata a suktan isunan ni Josue?
ESTORIA 44
Inlemmeng ni Rahab Dagiti Espia
Kasano a tinulongan ni Rahab ti dua nga espia, ken ania a pabor ti dinawatna?
ESTORIA 45
Ibaballasiw iti Jordan
Adda milagro a napasamak idi bimmaddek dagiti papadi iti danum ti karayan.
ESTORIA 46
Ti Bakud ti Jerico
Gapu iti maysa a tali, adda parte ti bakud a saan a narba. Apay ngata?
ESTORIA 47
Ti Agtatakaw iti Israel
Posible kadi a madusa ti intero a nasion gapu iti maysa a dakes a tao?
ESTORIA 48
Nasisikap a Gabaonitas
Nagulbod dagiti Gabaonita tapno mapagsapatada ni Josue ken dagiti Israelita. Ngem tinungpal latta dagiti Israelita ti karida.
ESTORIA 49
Ti Init Nagintek
Adda inaramid ni Jehova a Dios para ken Josue a dina pay inaramid idi ken saannan nga inulit pay.
ESTORIA 50
Dua a Natured a Babbai
Ni Barac ti nangidaulo kadagiti Israelita iti pannakilabanda, ngem apay a ni Jael ti napadayawan?
ESTORIA 51
Ni Ruth ken Noemi
Pinanawan ni Ruth ti lugar a nakayanakanna, kimmuyog ken Noemi ken nagdaydayaw ken Jehova a Dios.
ESTORIA 52
Ni Gideon ken ti 300 a Buyotna
Pinili ti Dios ti 300 a soldado babaen ti naidumduma a pannubok.
ESTORIA 53
Ti Kari ni Jefte
Gapu iti karina ken Jehova a Dios, saan laeng a ti biagna ti nagbaliw, uray pay ti biag ti anakna.
ESTORIA 54
Ti Kapipigsaan a Lalaki
Kasano a naammuan ni Dalila ti sekreto ti naidumduma a pigsa ni Samson?
ESTORIA 55
Ti Ubing a Nagserbi iti Dios
Ni Samuel ti inusar ti Dios a mangidanon iti nadagsen a mensahena para ken Eli a Nangato a Padi.
