Mose atongoeisye Aisilaeli kuma ũkombonĩ Misili nginya Kĩĩmanĩ kya Sinaĩ, vala Ngai wamanengeie mĩao yake. Ĩtina, Mose nĩwatũmie aũme 12 makathiane nthĩ ya Kanaani. Ĩndĩ 10 katĩ wa mo matũnga livoti nthũku. Nĩmatumie andũ menda kũsyoka Misili. Na nũndũ wa kwĩthĩwa mate na mũĩkĩĩo, Ngai nĩwasilĩile Aisilaeli kwanganga weũnĩ myaka 40.

Ĩtina vyũ, Yosua nĩwanyuviwe atongoesye Aisilaeli malike nthĩ ya Kanaani. Na nĩ kana amatetheesye mose ĩ nthĩ, Yeova nĩweekie syama. Nĩwaũngamisye kĩw’ũ kya Ũsĩ wa Yolotani, avalũkya ũkũta wa Yeliko mbu, na aũngamya syũa mũthenya mũima. Ĩtina wa myaka thanthatũ, nthĩ nĩyoosiwe kuma kwa Akanaani.

Kwa myaka 356 Aisilaeli masumbĩkiwe nĩ asili, kwambĩĩa na Yosua. Nĩtũkwĩmanyĩsya ĩũlũ wa aingĩ kati wamo, namo nĩ Mbalaka, Ngiteoni, Yevitha, Samusoni, na Samueli. Na ĩngĩ nĩtũũsoma ĩũlũ wa aka ta Laavi, Ndevola, Yaeli, Luthi, Naomi, na Ndelila. Myaka yonthe ya Isitoli ĩla yĩeleetw’e nthĩnĩ wa Kĩlungu kya KATATŨ nĩ 396.