Musa aatongoririe Aisraeli kuuma ũkombo-inĩ wa Misiri nginyagia Kĩrĩma-inĩ gĩa Sinai, harĩa Ngai aamahereire maathani. Thutha ũcio, Musa agĩtũma arũme 12 magathigane bũrũri wa Kanaani. Ĩndĩ 10 ao magĩcoka na riboti ĩtaarĩ njega. Magĩtũma andũ mende gũcoka Misiri. Nĩ ũndũ wa kwaga wĩtĩkio-rĩ, Ngai akĩherithia Aisraeli na ũndũ wa gũtũma matangatange mĩaka 40 werũ-inĩ.

Mũthia-inĩ, Joshua agĩthurũo atongorie Aisraeli matonye bũrũri wa Kanaani. Kũmateithĩrĩria manyite bũrũri ũcio-rĩ, Jehova agĩtũma ciama ciĩkĩke. Agĩgĩtũma Rũũĩ rwa Jorodani rũtige gũtherera, thingo cia Jeriko ikĩgwa thĩ, na riũa kũrũgama mũthenya mũgima. Thutha wa mĩaka ĩtandatũ, bũrũri ũkĩeherio moko-inĩ ma Akanaani.

Kũambĩrĩria na Joshua, bũrũri wa Israeli wathirũo mĩaka 356 nĩ acirithania. Twĩrutaga ũhoro wa aingĩ ao, ta Baraka, Gideoni, Jefitha, Samsoni na Samweli. O na ningĩ nĩ tũthomaga ũhoro wa atumia ta Rahabu, Debora, Jaeli, Ruthu, Naomi, na Delila. Ũguo nĩ ta kuuga, Gĩcunjĩ gĩa GATATŨ gĩkuĩĩte mĩaka 396 ya historia.