KIPUNGU 3
Kupokololwa mu Ijipita Kufika ne mu Kimye kya Mfumu Mutanshi wa Bena Isalela
Mosesa watangijile bena Isalela kufuma mu buzha mu Ijipita ne kuya ku Mutumba wa Sinai, Lesa ko ebapelejile mizhilo yanji. Palutwe kacheche, Mosesa watumine banabalume 12 na kwendela kyalo kya Kenana. Bino bantu jikumi babwelele na sawakya watama. Balengejile bantu kukeba kubwela ku Ijipita. Na mambo a kubula lwitabilo, Lesa wakambwile bena Isalela kupichila mu kwibalengela kutendeka kusubakana mu kiselebwa pa myaka 40.
Kyapeleleko, Yoshua wasajilwe kutangijila bena Isalela kuya mu kyalo kya Kenana. Pa kuba’mba Yehoba ebakwashe kutambula kyokya kyalo, waubile bya kukumya. Walengejile mema a mu Mukola wa Yodano kwijinga, bibumbu bya muzhi wa Yeliko konaunwa, ne juba kwimana pamo juba jonse. Pa kupitapo myaka itanu na umo, baangachile ntanda ku bena Kenana.
Kutendekela pe Yoshua, bena Isalela bebalaminenga ku bamitonyi pa myaka 356. Bamitonyi bavula twibayuka, kubikakotu ne Balaka, Gidiona, Yefita, Samisonyi ne Samwela. Kabiji tutanga ne pa banabakazhi nabiji Lehaba, Debola, Yaela, Luta, Naomi, ne Delila. Kipungu kya BUSATU kyonse kyaamba pa bintu byaubiwe kala pa myaka 396.
BIJI MU KINO KIPUNGU
JISHIMIKILA 36
Mwana Ñombe wa Kulenga na Ngolode
WMambo ka bantu o bapopwejilenga kintu kyo balengele ne kusungulula kufuma ku mashikiyo?
JISHIMIKILA 38
Bamwendela Ntanda 12
bamwendela ntanda 12 kuya na kumona kyalo kya Kenana. Bamwendela ntanda jikumi baambile kintutu kimo, pakuba bakwabo babiji baambijile byapusanako. Wepi ye bafwainwe bena Isalela kumvwina’mba ye waambile kine?
JISHIMIKILA 39
Kamama ka kwa Alona Kamenene Maluba
Pano kichi kyauma kwakonsha kumena byepi maluba kwaikala ne bipangwa byapya bufuku bumotu?
JISHIMIKILA 40
Mosesa Wapumine mu Jibwe
Bintu byaubile Mosesa byamwekele, pano bino wazhingijishe ne Yehoba.
JISHIMIKILA 44
Lehaba Wafile Bamwendela Ntanda
Lehaba wakwashishe byepi banabalume babiji, kabiji wakebele’mba bakamubile ka?
JISHIMIKILA 45
Kwabuka Mukola wa Yodano
Kya kukumya kyamwekele kimye bañanga kyo banyanchile mu mema.
JISHIMIKILA 47
Ngivi mu Isalela
Nanchi muntu umo watama wakonsha kuletelela bya malwa kisaka kyonse nyi?
JISHIMIKILA 48
Bena Gibeona Bajinga ba Maana
Babepele Yoshua ne bena Isalela ne kwibalengela kwilaya mulaye, bino bena Isalela bafikizhe byo bebalayile.
JISHIMIKILA 49
Juba Jaimenetu Pamo
Yehoba waubile kya kukumya kwi Yoshua kyo abujile kubapo kala kabiji ukyangye kwikyubapo.
JISHIMIKILA 50
Banabakazhi Babiji Bachinchikile
Balaka ye watangijile nzhita ya bena Isalela ku nkondo, pano mambo ka o batumbijikilako Yaela?
JISHIMIKILA 52
Gidiona ne Banabalume Banji 300
Lesa wasajile bantu bacheche mu bano bashilikale byo ebesekele pa kutoma mema.
JISHIMIKILA 53
Mulaye wa kwa Yefita
Mulaye wa kwa Yefita kwi Yehoba kechi wakunzhiletu aye yenka ne, bino ne mwananji wa mukazhi.
JISHIMIKILA 54
Muntu Wakijilepo mu Bulume
Delila wayukile byepi kwafumanga bulume bwa kwa Samisonyi?
JISHIMIKILA 55
Mwana Mucheche Waingijijilenga Lesa
Lesa waingijishe nsongwalume Samwela kutwala sawakya wakatazha bingi kwi Ñanga Mukatampe Eli.
